Matayo 10:33 - Baibuli Ekibono kya Katonda 2014

³³ Ate kiisi alineegaana mu maiso ag'abantu, nze zeena ndimwegaana mu maiso ga Lata wange ali mu igulu.

Matayo 10:33 ပူးပေါင်းရင်းမြစ်များ

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Mariko 14:30

Yesu yaamukoba ati: “Bwenebwene ka nkukobere, mwene iwe olwaleero obwire, enkoko enaaba ekaali kukolyoka mikuzi ebiri, ng'oneegaine emikuzi esatu.”

Mariko 14:72

Mangu ago enkoko yaakolyoka omukuzi ogwokubiri. Era Petero yaidhukira ekyo Yesu kye yamukoba ati: “Enkoko enaaba ng'ekaali kukolyoka mikuzi ebiri, oidha kuba ng'oneegaine emikuzi esatu.” Agho yaagwa mu maziga yaalira.

Mariko 8:38

Omuntu nze ye ngemya ensoni, n'ebibono byange ye bigemya ensoni mu nnaku dhino edh'abatatya Katonda n'aboonooni, yeena Omwana w'Omuntu alimugemerwa ensoni lw'aliira mu kitiisa kya Ise ni bamalaika abatukuvu.”

Luka 12:9

ate oyo aneegaana mu maiso ag'abantu yeena alyegaanibwa mu maiso ga bamalaika ba Katonda.

Luka 22:57

Aye Petero yeegaana ati: “Mukazi iwe, nze timwidhi.”

Luka 9:26

Era buli ye ngemya ensoni, n'ebibono byange ye bigemya ensoni, oyo yeena aligemya Omwana w'Omuntu ensoni lw'aliidha mu kitiisa kye, n'ekya Ise, n'ekya bamalaika abatukuvu.

2 Timotheo 2:12

Bwe tuguma tulifugira ghalala naye; bwe tumwegaana yeena alitwegaana.

2 Petero 2:1

Nga bwe ghaaligho abalanzi abaguya mu bantu ba Katonda, ni mu imwe mulibaamu abeegeresa abaguya. Balyeibirira, baayegeresa ebikiidhamya Obukurisito era ebireeta okuzikirira. Era balyegaana Musengwa eyabanunula, beereetera okuzikirira amangu.

1 Yoanne 2:23

Kiisi aloba okwikiriza Mwana aloba ni Lata aye aikiriza Mwana aba ni Lata yeena.