Matayo 10:3 - Baibuli Ekibono kya Katonda 2014

³ Filipo ni Barutholomayo, Thomasi ni Matayo omughooza, Yakobo mutabane wa Alufaayo ni Thaddaayo,

Matayo 10:3 ပူးပေါင်းရင်းမြစ်များ

Matayo 18:17

Aye bw'aloba okuwulirisa abo, olwo ni ng'okobera Ekikunsu eky'Abaikiriza mu Kurisito. Bw'aloba okuwulirisa n'Ekikunsu eky'Abaikiriza, ng'olwo ni mumubisa ng'azira kwikiriza era ng'omughooza w'omusolo.

Matayo 27:56

Mu abo mwalimu Maria Magadalene ni Maria mukaire wa Yakobo ni Yosefu, ni mukaire wa batabane ba Zebedaayo.

Matayo 9:9

Agho Yesu bwe yali ng'atambula, ng'ava eyo, yaabona omuntu ng'atyaime ghe bawooleza, nga bamweta Matayo, era yaamukoba ati: “Nnonereza.” Yaasituka yaamunonereza.

Mariko 15:40

Agho era ghaaligho n'abakazi abaali bali kumulengera nga baliku ghala; mu abo mwalimu Maria Magadalene, ni Maria mukaire wa Yakobo omuto, ni Yose, ni Salome.

Mariko 2:14

Era bwe yali ng'atambula yaabona Levi mutabane wa Alufaayo ng'atyaime agho ghe baawoolezanga omusolo yaamukoba ati: “Nnonereza!” Agho yeena yaasituka yaamunonereza.

Mariko 3:18

ni Anderea, Filipo, Barutholomayo, Matayo, Thomasi ni Yakobo mutabane wa Alufaayo, Thaddaayo, Simoni Omukananayo,

Luka 18:10

“Olwatuuka nga ghabaagho abantu babiri, Omufarisaayo n'omughooza w'omusolo, nga baja mu isinzizo okusaba.

Luka 18:11

Omufarisaayo yaayemerera yaasaba mu mwoyo gwe ati, ‘Katonda wange nkwebaza, kuba tiri ng'oti n'abantu abandi, abanhazi, abazira mazima, abenzi era tiri ng'oti n'omughooza w'omusolo oyo.

Luka 18:13

Aye omughooza w'omusolo, yaayemerera ghalaku era nga tayenda na kusitulira maiso eri eigulu, yeekuba mu kifuba bw'akoba ati, ‘Katonda wange, nsaasira nze omwonooni!’

Luka 19:2

Ghabaagho omusaadha nga bamweta Zakkayo nga mughooza wa musolo mukulu era nga mukombe.

Luka 5:27

Ebyo olwawa, yaavaagho yaaja, yaabona omughooza ow'omusolo ng'eriina lye ni Levi, ng'atyaime agho ghe bawooleza, yaamukoba ati: “Nnonereza.”

Yoanne 1:48

Nathanaeli yaamubuuza ati: “Waamanhira gha?” Yesu yaamwiramu ati: “Nkuboine ng'oli mu muti omutiini memale Filipo akwete.”

Yoanne 11:16

Agho Thomasi ayetebwa omulongo n'okukoba Abeegeresebwa baine ati: “Mukole tuje ni Musengwa tufiire ghalala naye!”

Yoanne 14:22

Yuda, atali Isikarioti, yaamubuuza ati: “Musengwa, olyeyoleka otya ye tuli n'oteeyoleka eri nsi?”

Yoanne 14:5

Thomasi yaamukoba ati: “Musengwa, titwidhi y'olaga memale tughanga tutya okumanha engira etuukayo?”

Yoanne 14:9

Yesu yairamu ati: “Filipo mbaire n'imwe okumala entangama, aye era waaba nga tondidhi? Oyo abona nze aba aboine Lata. Memale okoba otya oti, ‘Tulage Lata?’

Yoanne 21:2

Simoni Petero, ni Thomasi ayetebwa omulongo, ni Nathanaeli eyava e Kana mu Galilaaya, ni batabane ba Zebedaayo, n'Abeegeresebwa abandi babiri, baali bali ghalala.

Ebikolwa by'Abatume 1:13

Bwe bangira, baaniina mu kisenge ekya ghaigulu mwe baabanga: Petero ni Yoanne, Yakobo ni Anderea, Filipo ni Thomasi, Barutholomayo ni Matayo, Yakobo mutabane wa Alufaayo ni Simoni Omuzeloti, ni Yuda owa Yakobo.

Ebikolwa by'Abatume 12:17

Yaabaghemya basirike, yaabakobera nga Musengwa bw'amuwoniiza eikomera. Era yaabakoba ati: “Bino mubikobere Yakobo n'aboluganda.” Yaavaayo yaaja aghandi.

Ebikolwa by'Abatume 15:13

Bwe baamala okwogera ni basirika Yakobo yaakoba ati: “Aboluganda, mumpulirise.

Ebikolwa by'Abatume 21:18

Olunaku olwairirira, Paulo yaaja n'ife okubona Yakobo, era abakulembeze boonaboona baaliyo.

Ab'e Galatia 1:19

Aye ghazira ku batume bandi ye nabonaku okutoolaku Yakobo muganda wa Musengwa.

Ab'e Galatia 2:9

Yakobo, Petero ni Yoanne, abaabonekanga okuba nga n'abakulembeze, baakibona nga Katonda yangemya omulimo omukulu guno. Kale baatugema mu ngalo, nze ni Barunaba, ng'akamanhiso akooleka nga tuli bakozi banaibwe ku mulimo n'omulala. Era twaisania ife tuje mu bamaghanga agandi, ate beene baje mu bakekete.

Yakobo 1:1

Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.