Matayo 10:23 - Baibuli Ekibono kya Katonda 2014

²³ Era bwe babakiriganga nga muli mu kibuga kino, mulumukiranga mu kindi kuba bwenebwene mbakobera: Timulimaza bibuga bya Isiraeli ng'Omwana w'Omuntu akaali kwidha.

Matayo 10:23 ပူးပေါင်းရင်းမြစ်များ

Yeremia 26:21

Kyabazinga Yehoiakimu n'abalwani be ab'amaani, ghalala n'abakungu be, bwe baawulira Uria oyo bye yakoba, kyabazinga yaayenda okumwita. Aye ekyo Uria yaakimanhaku era yaatya inho, kale yaalumukira e Misiri okwewonia.

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 16:28

Bwenebwene ka mbakobere ghaligho abandi ku beemereire ghano abataja kukomba ku kufa okutuusa nga baboine Omwana w'Omuntu ng'aidha nga Kyabazinga.”

Matayo 2:13

Agho ng'abo baakavaagho, malaika wa Musengwa yaabonekera Yosefu mu kirooto yaamukoba ati: “Situka otoole omwana n'inhina mulumukire e Misiri, era musigale eyo okutuusa lwe ndiba ni kye nkukoba, kuba Herode aja kunoonia omwana okumwita.”

Matayo 23:34

Kale ndidha kubatumira abalanzi, n'abasaadha abagezi n'abeegeresa abandi mulibaita, mwabakomerera ku misalaba, abandi mulibakuba enkoba mu sinagoga dhaimwe, era mwabakiriga mu buli kibuga.

Matayo 23:36

Bwenebwene, ka mbakobere: Bino byonabyona biribaagho ku bantu ab'oluse luno.

Matayo 24:27

Kuba ng'olukuba bwe lumyansa okuva ku luuyi olw'e buvandhuba ni lutuuka ku luuyi olw'e bugwandhuba, n'okwidha kw'Omwana w'Omuntu kutyo bwe kuliba.

Matayo 24:30

Agho akamanhiso ak'Omwana w'Omuntu kaliboneka mu igulu era abantu boonaboona ab'oku nsi balikuba empungu, nga babona Omwana w'Omuntu aidhira mu bire eby'omu igulu n'amaani, n'ekitiisa ekinene.

Matayo 24:34

Bwenebwene ka mbakobere: abantu ab'oluse luno baliba bakaali kuwaagho ng'ebintu bino byonabyona bibairegho.

Matayo 24:48

Aye omugheereza bw'aba mubi n'akoba mule mu mwoyo gwe ati Musengwa we taidha kwira mangu,

Matayo 25:13

“Agho ni, mumoge kuba timwidhi lunaku waire saawa.

Matayo 26:64

Yesu yaamukoba ati: “Niiwe okyogeire. Aye ka mbakobere: okuva ni buti, mwidha kubona Omwana w'Omuntu ng'atyaime ku luuyi olw'omukono omusaadha ogw'ow'obukumu, era ng'aidhira mu bire eby'eigulu.”

Matayo 4:12

Agho Yesu bwe yawulira ati Yoanne bamugemye, yaaja e Galilaaya.

Mariko 13:26

ng'olwo ni babona Omwana ow'Omuntu ng'aidhira mu bire n'amaani amangi n'ekitiisa.

Luka 18:8

Ka mbakobere: Aja kubatawulula, ate mangu. Aye Omwana w'Omuntu bw'aliidha, alyagaana okwikiriza ku nsi?”

Luka 21:27

Agho ng'abantu babona Omwana ow'Omuntu ng'aidhira mu kire n'amaani n'ekitiisa ekingi.

Yoanne 7:1

Ebyo bwe byawa Yesu yaasigala mu Galilaaya nga tayenda kutambulira mu Buyudaaya, kuba Abayudaaya baali banoonia kumwita.

Ebikolwa by'Abatume 17:10

Amangu ng'obwire buzibye, aboluganda baasindika Paulo ni Sila e Beroa. Bwe baatuuka eyo baaja mu sinagoga ey'Abayudaaya.

Ebikolwa by'Abatume 17:14

Mangu ago aboluganda baagheereza Paulo ku nhandha, aye Sila ni Timotheo baasigala.

Ebikolwa by'Abatume 20:1

Akeegugungo nga kamaze okuwaagho, Paulo yaayeta abeegeresebwa ghalala, yaabasiibula ng'abagumya, yaavaayo yaaja e Makedonia.

Ebikolwa by'Abatume 8:1

Saulo yaaganha Sitefano aitibwe. Mu kiseera ekyo Ekikunsu ky'Abaikiriza mu Kurisito, mu Yerusalemu, kyakirigibwa inho. Boonaboona, okutoolaku Abatume, baasansaanira mu biketezo eby'e Buyudaaya ni Samaria.