Matayo 10:2 - Baibuli Ekibono kya Katonda 2014

² Amaina ag'Abatume eikumi n'Ababiri ni gano: asooka ni Simoni ayetebwa Petero, ni Anderea muganda we, ni Yakobo mutabane wa Zebedaayo ghalala ni Yoanne muganda we.

Matayo 10:2 ပူးပေါင်းရင်းမြစ်များ

Matayo 17:1

Nga ghabiseegho enaku mukaaga, Yesu yaagema ku Petero, Yakobo ni Yoanne muganda we, yaabakulemberamu baaja ku lusozi oluleeyi baaba eyo bonka.

Matayo 20:20

Agho inhina w'abaana ba Zebedaayo yaaseeta Yesu gh'ali, n'abaana be, yaakuba amakiryaivu yaabaaku ni ky'amusaba.

Matayo 26:37

Yaatoola Petero ni batabane ba Zebedaayo bombiriri yaaja nabo yaawulira enaku n'okweraliikirira.

Matayo 4:18

Yesu yali ng'atambula ku mbali okw'enhandha ey'e Galilaaya, yaabona aboluganda babiri: Simoni ayetebwa Petero ni Anderea muganda we, nga bali kutega akatimba mu nhandha kuba baali bavubi.

Matayo 4:21

Bwe yava agho, yeeyongerayo, yaabona aboluganda abandi babiri: Yakobo ni Yoanne, abaana ba Zebedaayo, nga bali mu lyato n'iseibwe Zebedaayo nga batereeza obutimba bwaibwe yaabeeta.

Mariko 1:29

Agho, Yesu aghalala ni Yakobo ni Yoanne baava mu sinagoga baaja mu ndhu ya Simoni n'Anderea.

Mariko 13:3

Bwe yali ng'atyaime ku Lusozi olw'Emiti Emyoliva, ng'olingiriire eisinzizo, Petero ni Yakobo ni Yoanne n'Anderea baamubuuza nga bali bonka, bati:

Mariko 6:30

Abatume bwe baira aghaali Yesu baamukobera byonabyona bye baakola ni bye baayegeresa.

Luka 11:49

Ni mu Magezi ga Katonda kikoba kiti, ‘Abandi balibakiriga n'abandi balibaita.’

Luka 22:14

Esaawa bwe yatuuka, Yesu n'Abatume baatyama ku kiiwulo.

Luka 22:8

Yesu yaatuma Petero ni Yoanne ng'abakoba ati: “Muje mututegekere Ekibinuko eky'Okwidhukiriraku Okubitizibwa.”

Luka 5:10

Era mu nsambo n'endala Yakobo ni Yoanne abaana ba Zebedaayo baine ba Simoni boona baayasaamirira. Yesu yaakoba Simoni ati: “Otatya, okuva ni mperaano oidha kuba muvubi wa bantu.”

Luka 9:10

Abatume bwe baira baalomboodhera Yesu bye baakola. Yaabagemaku yaaja nabo bonka mu kibuga ekyetebwa Bethisaida.

Yoanne 12:22

Filipo yaaja yaakobera Anderea era bombi baaja baakobera Yesu.

Yoanne 13:23

Omwegeresebwa oyo Yesu ye yagonzanga einho yali atyaime kumpi naye.

Yoanne 20:2

Kale, yaalumuka yaaja ye Simoni Petero n'ole Omwegeresebwa Yesu ye yagonzanga, yaabakobera ati: “Batoire Musengwa mu magombe era titwidhi ghe bamutaire!”

Yoanne 21:2

Simoni Petero, ni Thomasi ayetebwa omulongo, ni Nathanaeli eyava e Kana mu Galilaaya, ni batabane ba Zebedaayo, n'Abeegeresebwa abandi babiri, baali bali ghalala.

Yoanne 21:20

Petero yaagaluka yaabona Omwegeresebwa ole Yesu ye yagonzanga ng'ali kunonereza. Ono n'ole eyaseeta okumpi ni Yesu ku kyeigulo ekyasembayo n'amubuuza ati: “Musengwa, naani aja okukulyamu olukwe?”

Yoanne 21:24

Ono n'Omwegeresebwa omudhulizi w'ebintu bino era eyabighandiika era twidhi ng'obudhulizi bwe bwa mazima.

Yoanne 6:67

Kale Yesu yaabuuza Eikumi n'Ababiri ati: “Ate imwe, mwena mwandyenze okwirayo?”

Yoanne 6:70

Yesu yairamu ati: “Ti ninze eyabalonda imwe Eikumi n'Ababiri? Ate owundi ku imwe Sitaani!”

Yoanne 6:71

Mperaano yali ali kwogera ku Yuda mutabane wa Simoni Isikarioti. Kuba ono, omulala ku Ikumi n'Ababiri, yali n'aja okumulyamu olukwe.

Yoanne 6:8

Omwegeresebwa wa Yesu owundi ayetebwa Anderea, muganda wa Simoni Petero yaakoba ati:

Ebikolwa by'Abatume 1:13

Bwe bangira, baaniina mu kisenge ekya ghaigulu mwe baabanga: Petero ni Yoanne, Yakobo ni Anderea, Filipo ni Thomasi, Barutholomayo ni Matayo, Yakobo mutabane wa Alufaayo ni Simoni Omuzeloti, ni Yuda owa Yakobo.

Ebikolwa by'Abatume 1:26

Baakuba obululu, akalulu kaagwa ku Matthia, yaabalirwa ku Batume eikumi n'omulala.

Ebikolwa by'Abatume 12:2

Era yaakozesa empiima yaita Yakobo muganda wa Yoanne.

Ebikolwa by'Abatume 3:1

Agho olwatuuka Petero ni Yoanne baaniinaniina okuja mu isinzizo ku saawa omwenda, esaawa ey'okusaba.

1 Ab'e Korintho 15:7

Kabiri yaabonekera Yakobo, era yaabonekera n'Abatume boonaboona.

Ab'Efeso 4:11

Era n'oyo eyagha abandi okuba abatume, abandi okuba abalanzi, abandi okukobera abantu Amawulire Amalungi, abandi okulabirira abantu ba Katonda, n'abandi okuba abeegeresa.

Abaheburayi 3:1

Kale ni aboluganda abatukuvu, nga mwena bwemwayetebwa n'okwetebwa okuva mu igulu, mulowooze ku Yesu omutume era Omukulu wa Bakabona mu kwikiriza kwaife.

1 Petero 1:1

Ninze Petero omutume wa Yesu Kurisito. Mpandiikira abo Katonda be yalonda, buti abasansaaniire mu Ponto, Galatia, Kappadokia, Asia ni mu Bithunia, ye bali ng'abanoonia obubudamo.

2 Petero 1:1

Ninze Simoni Petero omugheereza era omutume wa Yesu Kurisito. Mpandiikira abo abaafuna okwikiriza okuli ng'oti n'okwaife, olw'obutuufu bwa Katonda waife era Omulokozi waife Yesu Kurisito.

2 Yoanne 1:1

Ninze omukaire mpandiikira omukyala omulonde n'abaana be, be ngonza mu mazima. Era ti ninze zenka aye n'abo boonaboona abaidhi amazima

3 Yoanne 1:1

Ninze omukaire, mpandiikira Gayo omugonzi, ye ngonza mu mazima.

Okwolekebwa 1:1

Bino n'ebintu Yesu Kurisito bye yayoleka abagheereza be. Ebintu bino nga biri n'okubaagho amangu. Kurisito yatuma malaika we yaabimanhisa omugheereza we Yoanne.

Okwolekebwa 1:9

Ninze Yoanne muganda waimwe era Mukurisito munaimwe, agabanira aghalala n'imwe ku kudaazibwadaazibwa ni ku Bwakyabazinga bwa Kurisito era ni ku kuguminkiriza mu kudaazibwadaazibwa. Nateebwa ku kizinga ekyetebwa Patumo nga nangibwa okwegeresa abantu ekibono kya Katonda n'olw'okuba omudhulirwa wa Yesu.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Okwolekebwa 22:8

Nze Yoanne, ninze eyawulira era ni mbona bino. Bwe namala okubiwulira n'okubibona, neeyala gha bigere bya malaika eyabindaga, naamusinza.