Matayo 10:19 - Baibuli Ekibono kya Katonda 2014

¹⁹ Aye bwe babaghangayo muteeraliikiriranga kye munaayogera, oba kye munaakoba kuba mu kaseera keene ako munaagheebwanga eky'okwogera.

Matayo 10:19 ပူးပေါင်းရင်းမြစ်များ

Okuvaayo 4:12

Mperaano ni ja, nze mwene ndikozesa omunwa gwo, era ndikugha eby'okwogera.”

Okuvaayo 4:15

Oidha kwogera naye omukobere eby'okukoba, era nze mwene ndiba n'iwe naakugalagira eby'okukoba. Era yeena ndiba naye naamugalagira yeena eby'okukoba era ndibagalagira mwembi eky'okukola.

Yeremia 1:7

Aye Musengwa Katonda yankoba ati: “Otakoba oti okaali muto inho. Aye oidha kuja eri abantu eyo yoonayoona ye nnaakutuma, obakobere byonabyona bye nnaakulagira okwogera.

Yeremia 1:9

Agho Musengwa Katonda yaagolola omukono gwe, yangema ku munwa. Yankoba ati: “Bona eno, nkutaire mu kanwa mwo, ebibono byange by'onaayogera.

Matayo 10:18

Balibatwala mu maiso ag'abafuzi ni bakyabazinga nga babalanga nze, mube badhulizi bange mu abo ni mu bamaghanga agandi.

Matayo 6:25

“Kyenva mbakoba nti: muteeraliikiriranga mu bulamu bwaimwe kye munaalya oba kye munaanhwa, waire omubiri gwaimwe kye munaavaala. Obulamu ti bwa mughendo okusinga emere? N'omubiri ti gwa mughendo okusinga eby'okuvaala?

Matayo 6:31

“Kale ni muteeraliikiriranga nga mukoba muti tunaalya ki? Oba muti tunaanhwa ki? Oba muti tunaavaala ki?

Matayo 6:34

Mulekenga ni kweraliikirira byaidho kuba olwaidho lulyeraliikirira ebyalwo, buli lunaku luli n'ebizibu ebirumala.

Luka 12:11

“Ate bwe babatwalanga mu sinagoga ni mu bafuzi ni mu baami okubawozesa, muteraliikiriranga kya kwiramu oba kya kwogera

Luka 12:12

kuba Mwoyo Mutukuvu alibeegeresa mu saawa yeene eyo kye mugwaine okwogera.”

Ebikolwa by'Abatume 6:10

Aye tibaamusobola olw'amagezi aga Mwoyo eyamwogererangamu.

Ab'e Filippi 4:6

Muteeraliikiriranga olw'ekintu kyonakyona, aye buli lwe musabanga mumanhise Katonda ebyetaago byaimwe byonabyona, era buli kiseera mumusabenga n'emyoyo egisiima.

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

Yakobo 1:5

Oba nga ghaligho ku imwe azira magezi, asabe Katonda aidha ku gamugha kuba oyo agabira abantu boonaboona n'omwoyo mulala.