Matayo 1:21 - Baibuli Ekibono kya Katonda 2014

²¹ Aidha kuzaala omwana wa bulenzi, era oidha kumutuuma eriina lya Yesu, kuba n'oyo alirokola abantu mu bibi byaibwe.”

Matayo 1:21 ပူးပေါင်းရင်းမြစ်များ

Amainhama 17:19

Aye Katonda yairamu ati: “Busa. Mukazi wo Sara aidha kukuzaalira omwana mulenzi, iwe omutuume eriina Isaaka. Ndidha kukola naye endagaano yange etakoma, era ni baidhukulu be abalimwiririra.

Amainhama 17:21

Aye endagaano yange ndidha kugitaagho ni Isaaka, oyo Sara y'aidha okukuzaalira mu biseera bino, mu mwaka ogwidha.”

Amainhama 18:10

Musengwa yaakoba ati: “Omwaka ogwidha tiriroba kukukyalira kabiri, era mu biseera bino mukazi wo Sara aliba ng'azaire omwana mulenzi.” Sara yali inhuma wa Aburahamu, ku lwigi lwa weema, ng'ali kuwulira.

Yeremia 23:6

Mu kiseera ky'alifugiramu, abantu b'omu Buyudaaya baliba bukalamu, n'ab'omu Isiraeli baaba mu miraala. Balimweta eriina ‘Musengwa Katonda n'obulokozi bwaife.’ ”

Yeremia 33:16

Abantu b'omu Buyudaaya n'ab'omu Yerusalemu balirokolebwa baaba mu miraala. Era ekibuga ekyo balikyeta eriina ‘Musengwa Katonda n'obulokozi bwaife.’

Danieli 9:24

“Katonda yalagira ekiseera kya myaka nsanvu emikuzi musanvu ku bantu bo ni ku kibuga kyo ekitukuvu, memale okwonoona kukomezebwe, n'okukola ebibi kuweegho. Olwo ebyonoono bisoniyibwe, ghairegho okukola amazima ebyanda n'ebyanda, n'okubonekerwa n'obulanzi bituukirizibwe, era n'eisinzizo eitukuvu liiremu okutukuzibwa.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Matayo 1:25

aye nga ghazira bya bufumbo okutuusa bwe yazaala omwana ow'obulenzi era yaamutuuma eriina Yesu.

Luka 1:13

Aye malaika yaamukoba ati: “Zekaria otatya, kuba okusaba kwo kuwuliirwa era mukazi wo Elisabethi aidha kukuzaalira omwana omulenzi, omutuume eriina Yoanne.

Luka 1:31

Oidha kutoola enda ozaale omwana wa bulenzi, omutuume eriina Yesu.

Luka 2:11

kuba olwaleero, mu kibuga kya Daudi, omununuzi Kurisito Musengwa, abazaaliirwa.

Luka 2:21

Bwe dhaatuuka enaku omunaana omwana okukeketebwa, baamutuuma eriina Yesu, eriina malaika lye yamweta nga n'enda ye ekaali kutoolebwa.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 4:42

Era baakoba omukazi bati: “Twikiriza ti lwa kuba nga watukobera, aye mperaano twewuliriire beene, era mperaano twidhi ng'ono n'Omulokozi ow'ensi mwenemwene.”

Ebikolwa by'Abatume 13:23

Katonda ng'atuukiriza kye yasuubiza, afuniire Isiraeli Omulokozi Yesu nga amutoola mu izaire lya Daudi ono.

Ebikolwa by'Abatume 3:26

Agho ni, Katonda bwe yalonda Omwana we, yasooka kumutuma ye imwe abaghe enkabi nga buli mulala akyuka yaaleka ebibi bye.”

Ebikolwa by'Abatume 4:12

Okulokolebwa kufunirwa mu oyo yenka, ghazira wundi asobola kulokolerwamu, kuba naire mu maina agagheebwa abantu ghansi gh'eigulu, ghazira lye tusobola kulokolerwamu.”

Ebikolwa by'Abatume 5:31

Katonda yamuta ku luuyi olw'omukono gwe omusaadha yaamufuula omufuzi era omununuzi, okusobozesa Abaisiraeli okwenenia basoniyibwe ebibi byaibwe.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Abaheburayi 7:25

Era olw'ensonga eno, kyava asobola okulokolera irala ekiseera kyonakyona abo abaidha ye Katonda nga babita mu mwene, kuba mulamu enaku dhoonadhoona okuboogererayo.

1 Yoanne 1:7

Aye bwe tutambulira mu butangaavu ng'oyo bw'ali mu butangaavu, tuba twisania ife beene na beene era n'omusaayi gwa Yesu Omwana we gutunaazaku ebibi byonabyona.

1 Yoanne 3:5

Mwidhi nga Kurisito yaidha okutoolagho ebibi era mu oyo muzira kibi.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.

Abalamuzi 13:3

Agho malaika wa Musengwa Katonda yaabonekera omukazi oyo, yaamukoba ati: “Oli mugumba, tozaalangaku mwana. Aye bona, oidha kutoola enda ozaale omwana mulenzi.

1 Samueli 1:20

Hanna oyo yaatoola enda, yaazaala omwana mulenzi, yaamutuuma eriina Samueli, kuba yakoba ati: “Namusaba Musengwa Katonda”.