Matayo 1:20 - Baibuli Ekibono kya Katonda 2014

²⁰ Aye aba akaalowooza ekyo, malaika wa Musengwa yaamubonekera mu kirooto yaamukoba ati: “Yosefu omwana wa Daudi, otatya kutwala Maria abe mukazi wo, kuba ky'alinda kya Mwoyo Mutukuvu.

Matayo 1:20 ပူးပေါင်းရင်းမြစ်များ

Amainhama 31:11

Malaika wa Katonda yandheta ati, ‘Yakobo!’ Naavugira nti, ‘Ndi ghano!’

Amainhama 46:3

Katonda yaakoba ati: “Ninze Katonda, Katonda oyo owa lata wo. Otatya kuja mu Misiri, kuba baidhukulu bo ndibafuulira eyo eighanga ery'amaani.

1 Bakyabazinga 17:13

Agho Eliya yaamukoba ati: “Otatya. Ja okole nga bw'okobye. Aye sooka onfumbireku akamere okandeetere, memale weefumbire iwe n'omwana wo

1 Bakyabazinga 3:5

Bwe yali ng'ali eyo e Gibeoni, Musengwa Katonda yaamubonekera obwire mu kirooto, yaamukoba ati: “Saba ky'oyenda, nkughe.”

Zabbuli 119:125

Nze ndi mugheereza wo, mpa okutegeera, nsobole okumanhanga by'olagira.

Zabbuli 143:8

Nkusaba buli nkyo ondholekenga nga bw'ongonza obutalekera, kuba niiwe ye neesiga. Ngalagira bwe mbe neebise, kuba niiwe ye nsaba.

Zabbuli 94:19

Buli lwemba n'ebineeraliikiriza, ongumya wandeetera okusangaala.

Ensambo 12:5

Ebidhuubo eby'omutuufu biba ku kukola mazima, aye eby'omubi byaba ku kuguya.

Isaia 26:3

Wo Musengwa Katonda, abo abagumira ku iwe, obaleetera okuba mu miraala gyenegyene, kuba bakwesiga.

Isaia 30:21

Bwe munaadaalimiranga ku luuyi olw'omukono omusaadha oba ku lw'omugooda, ni muva ku ngira, mwidha kuwuliranga amamiro ge emugongo waimwe nga gabakoba gati: “Eno n'engira ye mube mutambuliremu.”

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Isaia 7:13

Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Isaia 7:2

Kyabazinga wa Buyudaaya bwe yawulira nga Abasiria beeyimbye n'Abaefuraimu, agho mwene ghalala n'abantu be emyoyo gyabatengera ng'oti n'emiti egy'omu kibira bwe gitengeeta n'empewo.

Yeremia 31:22

Imwe abantu abatali beesigwa, mulirekera li okudaaliimira eno n'ere? Nze Musengwa Katonda ntonzeegho ekintu ekiyaaka ku nsi era nga kya ndhawulo, eky'omukazi okuba nga n'omukuumi w'omusaadha.”

Yeremia 33:26

Kale ni ng'endagaano eyo bw'etasobola kumenhebwagho, zeena ntyo bwe ntalisobola kulekulira agho baidhukulu ba Yakobo n'aba Daudi omugheereza wange, ni ntalonda owundi ku baidhukulu be afugenga baidhukulu ba Aburahamu, n'aba Isaaka, n'aba Yakobo. Bwenebwene ndigemerwa abantu bange ekisa, naabaleetera ebintu byairamu okubajiiranga obukalamu.”

Yeremia 40:9

Gedalia yaabalayirira ghalala n'abaisirukale baibwe, ng'akoba ati: “Mutatya kugheereza Bababilonia. Imwe musigale mu nsi eno mugheereze bugheereze kyabazinga w'e Babilonia, byonabyona biidha kubajiira bukalamu.

Yoeli 2:28

“Ebyo nga biwoire, ekiseera kirituuka naayugha omwoyo gwange ku bantu boonaboona. Batabane baimwe ni baghala baimwe baliranga ebiribaagho, abakaire mu imwe baaloota ebirooto, n'abaisuka baimwe baabonekerwa.

Okubala 12:6

Yaakoba ati: “Muwulire kye nkoba, bweghabaagho omulanzi mu imwe, nze Musengwa Katonda mwene mmweyoleka mu kubonekerwa, era naayogera naye mu kirooto.

Matayo 1:18

Okuzaalibwa kwa Yesu Kurisito kuti bwe kwali. Maria, inhina, ng'amaze okwandhula Yosefu, aye ng'akaali kumubayira, kyaboneka ng'ali nda ku bwa Mwoyo Mutukuvu.

Matayo 2:12

Era nga bwe baalabulwa mu kirooto obutaira wa Herode, baagema engira eyindi okuja mu nsi ey'ewaibwe.

Matayo 2:13

Agho ng'abo baakavaagho, malaika wa Musengwa yaabonekera Yosefu mu kirooto yaamukoba ati: “Situka otoole omwana n'inhina mulumukire e Misiri, era musigale eyo okutuusa lwe ndiba ni kye nkukoba, kuba Herode aja kunoonia omwana okumwita.”

Matayo 2:19

Agho Herode bwe yamala okufa, malaika wa Musengwa yaabonekera Yosefu mu kirooto, e Misiri.

Matayo 2:22

Aye bwe yawulira ati Arikelao n'eyali afuga Buyudaaya ng'omusika wa Herode, yaatya okuja eyo. Era bwe yalabulwa mu kirooto yaaja mu biketezo eby'e Galilaaya.

Matayo 27:19

Mperaano, Pilato bwe yali ng'atyaime ku kityamo kye eky'obulamuzi, mukazi we yaamutumira obukwenda nga bukoba buti: “Omuntu oyo azira musango otaba ni ky'omukola kuba ebintu by'oyo kamaala byandaaziiza mu kirooto.”

Matayo 28:5

Malaika yaakoba abakazi ati: “Mutatya, kuba ndidhi muli kwagala Yesu eyakomererwa ku musalaba.

Luka 1:19

Malaika yaamwiramu ati: “Ninze Gaburieli ayemerera mu maiso ga Katonda, era ntumiibwa okwogera n'iwe nkukobere amawulire amalungi ago.

Luka 2:4

Yosefu yeena yaava mu kyalo Nazarethi eky'e Galilaaya yaaniinaniina okuja mu kyalo kya Daudi mu Buyudaaya, ekyetebwa Bethelehemu kuba yali wa kika kya Daudi, era wa ku nda ye.

Ebikolwa by'Abatume 5:19

Aye obwire, malaika wa Musengwa yaigulagho endhigi edh'eikomera yaabafulumya ng'abakoba ati:

Okwolekebwa 19:7

Tusangaale, tusagambe, tusaake ekitiisa kye, kuba embaga ey'obugole ey'Entaama Ento etuuse, omugole yeetegeike.

Abalamuzi 13:3

Agho malaika wa Musengwa Katonda yaabonekera omukazi oyo, yaamukoba ati: “Oli mugumba, tozaalangaku mwana. Aye bona, oidha kutoola enda ozaale omwana mulenzi.