Matayo 1:18 - Baibuli Ekibono kya Katonda 2014

¹⁸ Okuzaalibwa kwa Yesu Kurisito kuti bwe kwali. Maria, inhina, ng'amaze okwandhula Yosefu, aye ng'akaali kumubayira, kyaboneka ng'ali nda ku bwa Mwoyo Mutukuvu.

Matayo 1:18 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Yobu 15:14

Omuntu obuntu asobola okuba omulongoofu? Omuntu eyazaalibwa obuzaalibwe, Katonda aghanga okumubala ati mutuufu?

Matayo 1:1

Oluzi lwa Yesu Kurisito mwidhukulu wa Daudi, mwidhukulu wa Aburahamu luti bwe lwali:

Matayo 12:46

Yesu yali akaayogera eri abantu, baganda be n'inhina baaba ku luya nga benda okwogera naye.

Matayo 2:11

Agho baingira mu ndhu, baabona omwana ghalala n'inhina Maria, beeyala ku itaka baamusinza era baasibulula ebitereke byaibwe baamugha ebirabo: Zaabu, obubbaani ni mirra.

Luka 1:25

ng'akoba ati: “Musengwa ati bw'ankoze, mu nnaku dh'aboine yamponia okuswala kwe mbaire nakwo mu bantu!”

Luka 2:5

Yaaja okweghandiisa ni Maria eyali amaze okumwandhula, era ng'ali nda.

Amateeka Agokubiri 22:23

“Ghasobola okubaagho omughala omwegha eyamala okwandhula omusaadha, aye omusaadha owundi yaayagaana omughala oyo mu kibuga, era yaaba naye.

Abaheburayi 10:5

Kale Kurisito bwe yali nga aidha mu nsi kyeyava n'akoba ati: “Emisengo n'ebigheebwayo tiwabyenda, aye wantegekera omubiri.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.