Matayo 1:1 - Baibuli Ekibono kya Katonda 2014

¹ Oluzi lwa Yesu Kurisito mwidhukulu wa Daudi, mwidhukulu wa Aburahamu luti bwe lwali:

Matayo 1:1 ပူးပေါင်းရင်းမြစ်များ

Amainhama 12:3

“Abo abakusabira enkabi, nnaabaghanga enkabi, aye abo abakukolimira zeena ndidhanga kubakolimira. Era mu iwe amaghanga goonagoona mwe galigheerwa enkabi.”

Amainhama 2:4

Kale ni eyo n'ensambo eigulu n'ensi ye byatondebwamu. Ku lunaku Musengwa Katonda lwe yakoleraku ensi n'eigulu,

Amainhama 22:18

Mu baidhukulu bo, amaghanga goonagoona ag'oku nsi mwe galigheerwa enkabi, kuba ogondeire ekiragiro kyange.”

Amainhama 5:1

Kino n'ekitabo eky'abaidhukulu ba Adamu nga bwebairaganwaku: Katonda bweyatonda omuntu, yamukola mu mboneka ye yeene.

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Zabbuli 89:3

Wakoba oti: “Nakola endagaano ni Daudi ye neerondera; era naasuubiza omugheereza wange oyo nti,

Zabbuli 89:36

Olulyo lwe luja kubangagho ebyanda n'ebyanda, n'obwakyabazinga bwe bubeegho okutuusa endhuba bw'eriva ku nsi.

Isaia 11:1

Ng'olusaga bwe lusibukira ku kikonge ky'omuti ogutemeibwa, ni mu baidhukulu ba Yesse mutyo bwe mulisimukamu kyabazinga.

Isaia 53:8

Baamutoolagho, baamutwala okumusalira omusango mu kusaliriza. Ghazira yalowooza ku buzaale bwe, aye yaitibwa bwitibwe yaatoolebwa mu nsi ey'abalamu. Ekyo kyamutuukaku olw'ebibi by'abantu baife.

Yeremia 23:5

Musengwa Katonda era yaakoba ati: “Bona eno, ekiseera kiri kwidha, nteegho omwidhukulu omutuufu owa Daudi abe kyabazinga. Aja kufuganga n'amagezi era aidha kukolanga amazima n'ebituufu mu nsi ye.

Yeremia 33:26

Kale ni ng'endagaano eyo bw'etasobola kumenhebwagho, zeena ntyo bwe ntalisobola kulekulira agho baidhukulu ba Yakobo n'aba Daudi omugheereza wange, ni ntalonda owundi ku baidhukulu be afugenga baidhukulu ba Aburahamu, n'aba Isaaka, n'aba Yakobo. Bwenebwene ndigemerwa abantu bange ekisa, naabaleetera ebintu byairamu okubajiiranga obukalamu.”

Amosi 9:11

Musengwa Katonda akoba ati: “Olunaku lwidha kutuuka ndhizeegho obwakyabazinga bwa Daudi, nga bwe bwalinga mu biseera Daudi mwe yabeera kyabazinga kuba buti buli ng'oti n'endhu eyagwa. Kale nja kuzimba ebimante byayo buyaaka, ngiizeegho nga bwe yalinga eira.

Zekaria 12:8

Mu kiseera ekyo nze Musengwa Katonda ndikuuma abantu b'omu Yerusalemu, kyaba nti ole aliba nga n'asembayo kuba munafu mu abo, alifuuka wa maani ng'oti ni Daudi bwe yali. Era baidhukulu ba Daudi oyo n'abalibakulemberamu ng'oti ni malaika wa Musengwa Katonda, era ng'oti ni Katonda mwene.

Matayo 1:18

Okuzaalibwa kwa Yesu Kurisito kuti bwe kwali. Maria, inhina, ng'amaze okwandhula Yosefu, aye ng'akaali kumubayira, kyaboneka ng'ali nda ku bwa Mwoyo Mutukuvu.

Matayo 1:2

Aburahamu yazaala Isaaka, Isaaka yaazaala Yakobo, Yakobo yaazaala Yuda ni baganda be.

Matayo 15:22

Ghaabaagho omukazi Omukanaani eyava mu kiketezo ekyo, yaaseeta yaayogerera ghaigulu ati: “Musengwa, mwidhukulu wa Daudi, nkusaba ondhune. Mughala wange aliku omuzimu omubi gumutawaania.”

Matayo 3:16

Yesu bwe yamala okubatizibwa, mangu ago yaava mu maadhi, era okuja okubona ng'eigulu limubwikulirwa, yaabona Mwoyo wa Katonda ng'aika ng'enjiibwa, ng'amwikaku.

Matayo 9:27

Olwava agho, abatulu babiri baamunonereza, bwe baasiikana nga bakoba bati: “Omwana wa Daudi tusaasire!”

Luka 1:33

Alifuga ekika kya Yakobo ebyanda n'ebyanda, era Obwakyabazinga bwe tibulikoma.”

Yoanne 7:42

Ebyaghandiikibwa tibikoba biti Kurisito aja kuba ku baidhukulu ba Daudi? Era biti aja kuzaalibwa Bethelehemu ku butaka bwa Daudi.”

Ebikolwa by'Abatume 2:30

Kale ni yali mulanzi yaamanha Katonda kye yeelayirira mwene ng'amusuubiza ati mulala ku baidhukulu be beene alityama ku kityamo kye.

Ab'e Roma 1:3

Amawulire Amalungi gano gafa ku Mwana we, Musengwa waife Yesu Kurisito. Mu mubiri yali wa mu luzi lwa Daudi

Ab'e Roma 4:13

Katonda yasuubiza Aburahamu n'eizaire lye okubagha ensi. Ekisuubizo kino kyagheebwa Aburahamu ti lwa kuba nga yali agema Amateeka, aye olw'okwikiriza, Katonda yamubala okuba omutuukirivu.

Ab'e Roma 9:5

Abo ni beene badhaadha abakulu era beene ighanga omwava Kurisito ng'omuntu, Katonda afuga byonabyona asaakibwe ebyanda n'ebyanda. Amiina.

Ab'e Galatia 3:16

Ebisuubizo byasuubizibwa Aburahamu ni mwidhukulu we. Ebyaghandiikibwa tibikoba “baidhukulu” ekitegeeza abantu abangi, aye “mwidhukulu” ekitegeeza omuntu omulala yenka era nga ni Kurisito.

1 Timotheo 2:5

kuba ghaligho Katonda mulala ati, era oyo agemagania abantu ni Katonda ali mulala, n'oyo Omuntu Kurisito Yesu.

2 Timotheo 2:8

Idhukira Yesu Kurisito, mwidhukulu wa Daudi eyazuukizibwa mu bafu ng'Amawulire Amalungi ge mbakobera bwe gakoba.

Okwolekebwa 22:16

“Nze Yesu, ntumye malaika wange okubakobera ebintu bino mu bikunsu eby'abandhikiriza. Ndi wa ku luzi lwa Daudi era nsimuka mu oyo. Ninze emuunienie ey'oku nkyo eyaka einho.”