Mariko 9:50 - Baibuli Ekibono kya Katonda 2014

⁵⁰ Omuunhu mulungi. Aye omuunhu bwe guwaamu ensa oba okaalungamu ki? “Mube n'omuunhu mu bulamu bwaimwe era n'emiraala beene na beene.”

Mariko 9:50 ပူးပေါင်းရင်းမြစ်များ

Ab'e Kolosai 4:6

Mu kwogera mukozesenga ebibono ebiwooma era ebigwaine, nga kiisi abuuza mwidhi eky'okumwiramu.

Ab'e Roma 12:18

Ku luuyi lwaimwe mukolenga kyonakyona ekisoboka mwisanienga n'abantu boonaboona.

Matayo 5:13

“Niimwe omuunhu ogw'ensi. Aye omuunhu bwe guwaamu ensa gwiramu gutya ensa! Kuba guba tigukaali na mugaso okutoolaku okusuulibwa ku luya abantu baagutyankirira.

Abaheburayi 12:14

Mufaabiikanenga okuba n'emiraala y'abantu boonaboona era mufaabiikanenga okuba n'obutukuvu, kuba aghazira obwo, ghazira alibona Musengwa.

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

Ab'e Filippi 1:27

Ekikulu kiri nti mu bulamu bwaimwe mwebise nga bwe kigwaniire ababunia Amawulire Amalungi aga Kurisito. Agho ni oba ndidha okubabona oba tiidha, mbe nga mpulira nti mwekalangwire, muli muntu mulala, era nga kye munuyirira kiri kirala okulwanirira okwikiriza Amawulire Amalungi

Yobu 6:6

Ekintu ekiziramu nsa kiriika nga tikirungiirwamu muunhu? Oba, omuntu afunamu ki mu kulya ekintu ekitawooma?

1 Ab'e Thessalonika 5:13

Mubatengamu inho ekinhagansi era mubagonzenga olw'omulimo gwe bakola. Emiraala gibenga mu imwe.

Ab'Efeso 4:29

Eminwa gyaimwe girobenga kwogera bibono bitasaana, aye gyogerenga ebyo byonka ebikalamu ebizimba era ebisaine, bisobole okuleetera ababiwulira emikisa.

1 Petero 3:8

Ekisembayo mwisanienga mwenamwena era nga mulumirwagana. Mugonzenga aboluganda era mubenga ba kisa era abawombeefu.

Yakobo 1:20

kuba obusungu obw'omuntu tibuleetagho butuufu bwa Katonda.

2 Timotheo 2:22

Agho ni lekanga ebitwaliriza abaisuka byonabyona, okolererenga obutuufu, okwikiriza, okugonza, n'emiraala nga weeyimbye n'abo abasinza Musengwa n'omwoyo omunaabuufu.

Ab'e Kolosai 3:12

Kale nga bwe muli abantu ba Katonda be yalondamu era abagonzi, mubenga n'omwoyo ogw'okusaasira, ekisa, obuteekulumbaza, obugonvu n'okuguminkiriza.

Ab'e Galatia 5:22

Aye Mwoyo aleeta kugonzania, kusagamba, kwisania, kuguminkiriza, kisa, kubisa bandi bukalamu, kwesigibwa,

Zabbuli 34:14

Ave mu kukola ebibi akole ebituufu, anoonie eidembe era alitambuliremu.

Mariko 9:34

Aye baasirika busirike, kuba mu ngira baaja nga batakana bati naani mu beene asinga obubbede.

Zabbuli 133:1

Bwenebwene nga kirungi inho abantu ba Katonda okuba aghalala nga baisania!

Ezekieli 43:24

waadhireeta mu maiso gange, nze Musengwa Katonda. Bakabona baadhimansiraku omuunhu, era baamala baadhookya dhaaba ekigheebwayo eri nze Musengwa Katonda ekyokebwa.

Mariko 9:49

“Kuba buli muntu alirungwamu omuliro.