Mariko 9:43 - Baibuli Ekibono kya Katonda 2014

⁴³ Era omukono gwo bwe guba gukusendasenda okwona, gutemeku kasinga ofune obulamu ng'oli n'omukono mulala, okusinga okuba n'emikono ebiri waaja mu geyeena, mu muliro ogutazikira. [

Mariko 9:43 ပူးပေါင်းရင်းမြစ်များ

Yobu 20:13

Akisigaza mu kanwa, akole ng'akaanuuna ku.

Isaia 1:31

Ab'amaani baliba ng'oti isubi ikalu, ate ebibi bye bakola byaba ng'oti nnimi dha muliro, olwo baliyiira ghalala nabyo, era ghaabulagho n'omuntu asobola okulobera okuzikirizibwa kwaibwe.

Yeremia 4:4

Mukuume endagaano ye mwakola ninze, nze Musengwa Katonda, era mwegheeyo ye ndi, imwe abantu b'omu Buyudaaya n'ab'omu Yerusalemu, ekiruyi kyange kirobe kutumbuka ng'oti n'omuliro omuntu gw'atasobola kuzikiza, olw'ebibi bye mwakola.”

Matayo 17:27

Aye obutabanhiiza ja osuule eirobo mu nhandha, era ekyenhandha ky'onaagemya okusooka okitoole okyasamye omunwa. Oidha kwagaanamu empiiya ndala ogitoole ogibaghe, weesasulire era osasulire ninze.”

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 3:12

Agemye olugali mu ngalo, aidha kulongoosa bukalamu ekifo kye aghakubirwa engaano, engaano agikungaanize mu kyagi, omusinsi agwokye mu muliro ogutazikira.”

Matayo 5:22

Aye nze mbakoba nti, buli muntu alikoba muganda we ati, ‘Raka,’ alisalirwa omusango mu mbuga ate oyo alikoba ati, ‘Musiru iwe’, alisalirwa omusango gwa kusuulibwa mu muliro gwa geyeena.”

Mariko 9:44

Enhengere dhaibwe mwe dhitafiira waire omuliro okuzikira.]

Luka 14:13

Aye bw'ofumbanga embaga, oyetanga abaavu, n'abateesobola, n'abalema, n'abatulu

Luka 14:21

“Kale omugheereza yaira yaabikobera musengwa we. Agho mwenemu yaasungughala, era yaalagira omwiru we ati, ‘Ja mangu mu buguudo ni mu nguudo edh'ekibuga oleete abaavu, abateesobola, abatulu n'abalema.’

Luka 3:17

Wuuyo agemye olugali mu ngalo aja kulongoosa bukalamu ekifo kye aghakubirwa engaano, engaano agisololeze mu kyagi, omusinsi agwokye n'omuliro ogutazikira.”

Ab'e Roma 8:13

Kuba bwe mujiira ku mubiri bye gwenda, muja kufa, aye bwe mujiira ku bya Mwoyo n'abayamba okulekerayo irala ebikolwa byaimwe ebibi, muja kuba balamu.

1 Ab'e Korintho 9:27

Nfuntira irala omubiri gwange era naagufugira irala, nze ndobe kutoolebwa mu ntaka nga mmaze okukobera abandi Amawulire Amalungi.

Ab'e Galatia 5:24

Era abo aba Kurisito Yesu, baakomerera ku musalaba omubiri gwaibwe, n'empisa dhaagwo n'amairu gaagwo.

Ab'e Kolosai 3:5

Kale mwite okwegomba okubi okuli mu imwe: obwenzi obudankaanu, okwegomba okw'ensoni, okuwugaawugana, obutaiguta, kuba kino kiri ng'oti kusinza ebitali Katonda.

Tito 2:12

Era kitwegeresa okutya Katonda n'okulekayo okwegomba okw'ensi eno, n'okuba abantu abasobola okwefuga, abeesimbu, era abatya Katonda mu nsi muno.

Abaheburayi 12:1

Kale twena nga bwe tuli n'abadhulizi kamaala batyo abatwezungulwire, tusuule ere kiisi kintu ekituzitoogherera era n'ekibi ekitwesibyeku. Tungire n'obumalirivu mu ntaka edh'okulumuka edhiteereibwagho,

1 Petero 2:1

Kale ni mwetoolemu emize gyonagyona emibi, obuguya, okwewoomya ku ngulu, ensaalwa n'okuvuma.