Mariko 9:25 - Baibuli Ekibono kya Katonda 2014

²⁵ Yesu olwabona ng'eikuukuubira ery'abantu lyesoloza yaakaabukira omuzimu omubi, yaagukoba ati: “Muzimu iwe kasiru era masighale, nze nkulagira ono muveeku, era toirangayo kumwidhaku.”

Mariko 9:25 ပူးပေါင်းရင်းမြစ်များ

Zekaria 3:2

Agho malaika wa Musengwa Katonda yaakoba Sitaani ati: “Iwe Sitaani, Musengwa Katonda agwananga yaakusalira omusango. Musengwa Katonda oyo eyalonda Yerusalemu agwananga yaakusalira omusango gwakusinga. Oyo y'oli kwenda okulumiriza ali ng'oti n'ekisiki kye baswankwire mu muliro.”

Matayo 12:22

Agho Yesu baamuleetera omuntu aliku omuzimu omubi nga mutulu era kasiru, yaamuwonia yaaba ng'aghanga okwogera era n'okubona.

Matayo 17:18

Yesu yaakaabukira omuzimu omubi gwamuvaaku, era omulenzi yaawona, mu saawa yeene eyo.

Mariko 9:15

Era mangu ago abantu olwamulengera, baasamaalirira n'okwewuunhia, baamulumuukirira baamulamusa.

Mariko 9:24

Mangu ago lata w'omwana yaayogerera ghaigulu, nga n'okulira bw'alira, ati: “Isebo, ndhikiriza, aye nhamba mu butaikiriza bwange.”

Mariko 9:26

Agho omuzimu gwayana era gwasikambula inho omulenzi, gwamuvaaku. Yaaba oti afiire era abantu kamaala baakoba bati: “Afiire!”

Luka 11:14

Agho olwatuuka, Yesu yaabinga ku muntu omuzimu omubi, nga ni gukasiru. Omuzimu bwe gwamuvaaku, kasiru yaatoolera okwogera, era abantu kamaala beewuunhia inho.

Luka 4:35

Aye Yesu yaagukaabukira ati: “Sirika era muveeku.” Omuzimu gwamusuula ghansi mu bantu, gwamuvaaku nga tigumukosiisa.

Luka 4:41

Era n'emizimu emibi gyona gyava ku bantu kamaala nga gyasiikana giti: “Iwe oli Mwana wa Katonda!” Yaagikaabukira nga tagiganha kwogera, kuba gyali gimwidhi nga ni Kurisito.

Luka 8:29

Kuba yalagira omuzimu omubi okumuvaaku. Emikuzi kamaala gwamugemanga, baamukuuma era baamusiba n'endhegere aye ng'edho adhikutula, omuzimu gwamutwala mu irungu.

Luka 9:42

Bwe yali aseeta, omuzimu gwamusuula ghansi era gwamusikasika inho. Aye Yesu yaakaabukira omuzimu omubi, yaawonia omulenzi era yaamugemya lata we.

Ebikolwa by'Abatume 16:18

Kino yakikola okumala enaku kamaala. Aye kino kyanhiiza Paulo, yaakyuka yaakoba omuzimu omubi ogwo ati: “Mu liina lya Yesu Kurisito nkulagira muveeku.” Mangu ago omuzimu gwamuvaaku.

Yuda 1:9

Ate nga ni bw'aba Mikaeli omukulu wa bamalaika, tiyakola ekyo bwe yali ali kukaayana ni Sitaani, nga bakaayanira omulambo gwa Musa; tiyakana n'akozesa bibono bivuma ng'asalira Sitaani omusango, okutoolaku okumukoba ati: “Katonda akubonereze.”