Mariko 9:24 - Baibuli Ekibono kya Katonda 2014

²⁴ Mangu ago lata w'omwana yaayogerera ghaigulu, nga n'okulira bw'alira, ati: “Isebo, ndhikiriza, aye nhamba mu butaikiriza bwange.”

Mariko 9:24 ပူးပေါင်းရင်းမြစ်များ

2 Samueli 16:12

Oba katyo Musengwa Katonda anaalingirira okudaagadaaga kwange, yansasulamu ebirungi mu kuvumibwa kwange kuno olwaleero luno.”

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

Zabbuli 126:5

Abo abasiga nga balira amaziga, ka bakungule nga bakuba emizira!

Zabbuli 39:12

Wo Musengwa Katonda, ndhiraamu okusaba kwange era ofeeyo ku kulira kwange. Idha ombeere ng'oboine amaziga gange, kuba nze ndi musenze busenze, nga badhaadha bange boonaboona bwe baali.

Yeremia 14:17

Agho Musengwa Katonda yandagira okukobera abantu enaku yange nti: “Amaziga ka gakuuluule okunva mu maiso omusana n'obwire aghazira kulekera, kuba abantu bange bafumitiibwa ebibwa ebinene era baalumizibwa inho.

Mariko 9:23

Yesu yaamukoba ati: “Waakoba oti oba nsobola! Byonabyona bisoboka y'oyo aikiriza.”

Mariko 9:25

Yesu olwabona ng'eikuukuubira ery'abantu lyesoloza yaakaabukira omuzimu omubi, yaagukoba ati: “Muzimu iwe kasiru era masighale, nze nkulagira ono muveeku, era toirangayo kumwidhaku.”

Luka 17:5

Abatume baakoba Musengwa bati: “Twongereku okwikiriza.”

Luka 7:38

Yaayemerera einhuma gh'ebigere bye yaalira. Era yaaboza ebigere bya Yesu n'amaziga ge, yaabisiimuuza enviiri dhe, yaabinhwegera, yaabisiiga obuwoowo.

Luka 7:44

Yaakyuka yaalingirira omukazi, yaakoba Simoni ati: “Obona omukazi ono? Nhingiire mu ndhu yo, tompaire maadhi ga kunaaba bigere. Aye ono aboziiza ebigere byange n'amaziga ge era yaabisiimuula n'enviiri dhe.

Ebikolwa by'Abatume 10:19

Agho Petero bwe yali ng'akaadhuuba ku ekyo ky'aboine, Mwoyo yaamukoba ati: “Bona, abasaadha basatu bali kukwagala.

Ebikolwa by'Abatume 10:31

Era yankoba ati, ‘Korunelio, Katonda awuliire okusaba kwo era aidhukiire n'okugaba kwo.

2 Ab'e Korintho 2:4

Nabaghandiikira nga ndi n'enaku nnene inho ku mwoyo, era nga ndi bwa mu maziga. Ekigendererwa kyange tikyali kubalumya, aye kubooleka nga bwe mbagonza einho.

Ab'Efeso 2:8

Mwalokolebwa lwa kisa kya Katonda mu kwikiriza tikyava mu maani gaimwe, aye kyali kirabo kya Katonda.

Ab'e Filippi 1:29

Kuba mwagheebwa enkabi okwikiriza Kurisito era n'okudaagadaaga ku lulwe.

2 Ab'e Thessalonika 1:11

Kye tuva ni tubasabira buliidho ye Katonda waife, mu buyinza bwe abafuule abagwaniire okwetebwa kwe, atuukirize ebirungi byonabyona bye muba musazeegho okukola era n'ebikolwa byonabyona eby'okwikiriza.

2 Ab'e Thessalonika 1:3

Aboluganda, tuli n'okusiima Katonda buli kaseera olwa imwe, era nga bwe tugwaine kuba okwikiriza kwaimwe kuli kweyongera inho. Era n'okugonza kiisi mulala ku imwe kw'agonzaamu abandi kwona kweyongera inho.

2 Timotheo 1:4

Ndidhukira bukalamu amaziga go, era buli kaseera naayenda inho nkuboneku memale nsangaale.

Abaheburayi 12:17

Mwidhi nga ku nkomerero bwe yayenda okufuna omukisa ogwo, tiyagugheebwa, kuba tiyafuna kaghagaanhia ka kukyusa kye yali akoze, waire yagunoonia ng'alira.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.