Mariko 8:38 - Baibuli Ekibono kya Katonda 2014

³⁸ Omuntu nze ye ngemya ensoni, n'ebibono byange ye bigemya ensoni mu nnaku dhino edh'abatatya Katonda n'aboonooni, yeena Omwana w'Omuntu alimugemerwa ensoni lw'aliira mu kitiisa kya Ise ni bamalaika abatukuvu.”

Mariko 8:38 ပူးပေါင်းရင်းမြစ်များ

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Danieli 7:13

Mu kubonekerwa okw'omu bwire obwo, naja okulinga nti nga mbona afaanana ng'oti mwana wa muntu, ng'ali kwidhira mu bire. Era yaaja y'Oyo eyaligho okuva eira n'eira, baamwandhulayo.

Zekaria 14:5

Muliwona nga mubitira mu kiiko ekyo ekirigabaniamu olusozi aghabiri. Mulirumuka nga badhaadha baimwe bwe baakola ku lule musisi lwe yabita mu biseera bya kyabazinga Uzzia ow'e Buyudaaya. Agho Musengwa Katonda waife aliidha ng'ali ghalala n'abatukuvu boonaboona.

Matayo 12:39

Aye Yesu yaabairamu yaabakoba ati: “Abantu ab'oluse luno aboonooni, abatatya Katonda, nga benda obumanhiso! Ate ng'ezira kamanhiso ke baja kugheebwa okutoolaku aka Yona omulanzi:

Matayo 13:41

Omwana w'Omuntu alituma bamalaika be baasunsula mu Bwakyabazinga bwe ebyo byonabyona ebireetera abantu okwonoona, era n'abakola ebibi

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 16:28

Bwenebwene ka mbakobere ghaligho abandi ku beemereire ghano abataja kukomba ku kufa okutuusa nga baboine Omwana w'Omuntu ng'aidha nga Kyabazinga.”

Matayo 16:4

Abantu ab'oluse luno aboonooni era abatatya Katonda benda akamanhiso! Ate nga akamanhiso tikaidha kubagheebwa, okutoolaku akamanhiso aka Yona.” Yaabavaaku yaaja.

Matayo 24:30

Agho akamanhiso ak'Omwana w'Omuntu kaliboneka mu igulu era abantu boonaboona ab'oku nsi balikuba empungu, nga babona Omwana w'Omuntu aidhira mu bire eby'omu igulu n'amaani, n'ekitiisa ekinene.

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Matayo 26:64

Yesu yaamukoba ati: “Niiwe okyogeire. Aye ka mbakobere: okuva ni buti, mwidha kubona Omwana w'Omuntu ng'atyaime ku luuyi olw'omukono omusaadha ogw'ow'obukumu, era ng'aidhira mu bire eby'eigulu.”

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Mariko 13:26

ng'olwo ni babona Omwana ow'Omuntu ng'aidhira mu bire n'amaani amangi n'ekitiisa.

Mariko 14:62

Agho Yesu yaakoba ati: “Ninze. Era mulibona Omwana w'Omuntu ng'atyaime ku mukono omusaadha ogw'ow'obukumu, era ng'aidhira mu bire eby'eigulu.”

Mariko 8:37

Kintu ki omuntu ky'asobola okugha olw'obulamu bwe?

Luka 19:26

Musengwa yaakoba ati, ‘Ka mbakobere: yeenayeena aliku ni ky'ali nakyo aligheebwa aye oyo azira, ni k'ali nako kalimutoolebwaku.

Luka 9:26

Era buli ye ngemya ensoni, n'ebibono byange ye bigemya ensoni, oyo yeena aligemya Omwana w'Omuntu ensoni lw'aliidha mu kitiisa kye, n'ekya Ise, n'ekya bamalaika abatukuvu.

Yoanne 1:14

Kibono yaafuuka omuntu yaaba mu ife ng'aidhwire ekisa n'amazima. Twabona ekitiisa kye, ekitiisa ng'eky'Omwana wa Lata omulala bedengedenge.

Yoanne 1:51

Era yaabakoba ati: “Bwenebwene ka mbakobere, mulibona eigulu nga libwikwike era nga bamalaika ba Katonda abandi baniina, era ng'abandi baika ku Mwana w'Omuntu.”

Yoanne 12:34

Eikuukuubira lyamukoba liti: “Amateeka gatukoba gati Kurisito aja kuba mulamu ebyanda n'ebyanda. Aye iwe otukoba otya oti Omwana w'Omuntu ali n'okughanikibwa? Omwana w'Omuntu ono naani?”

Yoanne 5:27

Era yaamugha obukumu obw'okusala emisango, kuba n'Omwana w'Omuntu.

Ebikolwa by'Abatume 10:22

Bairamu bati: “Korunelio, omukulu ow'ekikunsu eky'abaisirukale n'atutumye. Omusaadha ono mutuufu, atya Katonda, era Abayudaaya boonaboona bamwogeraku bukalamu. Kale, malaika omutukuvu yamukoba akwete, oje ewuwe, awulire by'oyegeresa.”

Ebikolwa by'Abatume 5:41

Abatume baava mu lwekobaano nga basangaavu kuba Katonda yabona nga bagwaine okudaazibwadaazibwa ku lwa Yesu.

Ab'e Roma 1:16

Amawulire Amalungi tigangemya nsoni, kuba n'amaani ga Katonda agalokola buli aikiriza, okusookera ku Bayudaaya memale oizeeku abamaghanga agandi.

Ab'e Galatia 6:14

Aye nze neesuuta lwa musalaba gwa Musengwa waife Yesu Kurisito gwonka kuba ku musalaba okwo ensi ngibona nga kwe yakomererwa, yoona yambona nga kwe nakomererwa.

Amateeka Agokubiri 33:2

Yakoba ati: “Musengwa Katonda yava ku lusozi Sinai, yaavaayo ng'oti ndhuba ku Edomu yaatwakira, yaayaka ng'ava ku lusozi Parani, ng'ali ghalala n'omutwalo mulala ogwa bamalaika, ng'ali n'omuliro ogwaka ku luuyi lwe olw'omukono omusaadha.

1 Ab'e Thessalonika 2:19

Kuba eisuubi lyaife, eisanhu lyaife, n'okwesaaka olw'obughanguzi mu maiso ga Musengwa waife Yesu lw'aliira, biri mu ani? Tibiri mu imwe?

1 Ab'e Thessalonika 3:13

Olwo abagumye emyoyo gyaimwe, mube nga muziraku musango, era mube abatukuvu mu maiso ga Katonda waife era Lata, ku lule Musengwa waife Yesu lw'aliidha n'abatuukirivu be boonaboona.

2 Timotheo 1:12

era kyenva ni ndaagadaaga nti. Aye ekyo tikingemya nsoni kuba ndidhi bukalamu oyo ye naikiriza, era nkakasa nti asobola bukalamu okukuuma ekyo kye yanteresa okutuusa ku lunaku lule.

2 Timotheo 1:16

Aye nsaba, Musengwa ayoleke ab'omu ndhu ya Onesiforo okusaasira, kuba emikuzi kamaala ng'andhizaamu amaani nga nze okuba mu ikomera ti kimugemya nsoni.

2 Timotheo 1:8

Agho ni mutagemebwanga nsoni kugha budhulirwa ku Musengwa waife, oba ku nze ye baata mu ikomera olw'eriina lye, aye mudaagirenga ghalala n'ife olw'Amawulire Amalungi nga mukozesa amaani Katonda g'abagha.

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

Abaheburayi 11:26

Yabona nga okuvumwa olwa Kurisito kya mughendo inho okusinga obukombe bw'e Misiri, kuba yalowoozanga ku mpeera ye yali aja okugheebwa.

Abaheburayi 13:13

Kale tuje y'ali ku luya kw'ekibuga tugabane ku kuswala kwe.

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.

1 Yoanne 2:23

Kiisi aloba okwikiriza Mwana aloba ni Lata aye aikiriza Mwana aba ni Lata yeena.

1 Yoanne 2:28

Kale baana bange, musigale nga mukaali naye, bw'alyeyoleka tube bagumu tulobe kugemebwa nsoni mu maiso ge.

Okwolekebwa 14:10

yeena alinhwa omwenge ogw'emizabbibu ogw'obusungu bwa Katonda, nga gufukiibwa mu kikopo eky'obusungu bwe era nga tigudhuuluusiibwamu naire. Era alidaazibwadaazibwa n'omuliro n'obunhota bwa salufa, mu maiso ga bamalaika abatukuvu n'ag'Entaama Ento.