Mariko 8:35 - Baibuli Ekibono kya Katonda 2014

³⁵ kuba ayenda okuwonia obulamu bwe, oyo abubuza bubuze aye abuza obulamu bwe ku lwange n'olw'Amawulire Amalungi, oyo abuzaawula.

Mariko 8:35 ပူးပေါင်းရင်းမြစ်များ

1 Ab'e Korintho 9:23

Olw'okwenda okugabana ku bikalamu ebiva mu Mawulire Amalungi, kyenva nkola ebyo byonabyona.

2 Timotheo 1:8

Agho ni mutagemebwanga nsoni kugha budhulirwa ku Musengwa waife, oba ku nze ye baata mu ikomera olw'eriina lye, aye mudaagirenga ghalala n'ife olw'Amawulire Amalungi nga mukozesa amaani Katonda g'abagha.

Luka 17:33

Buli agezaaku okuwonia obulamu bwe aja kubufiirwa, aye buli afiirwa obulamu bwe alibuwonia.

Matayo 16:25

kuba buli ayenda okuwonia obulamu bwe abufiirwa aye oyo afiirwa obulamu bwe ku lwange alibufuna.

Matayo 19:29

Era yeenayeena aleka enhumba, oba baganda be, oba baanhina, oba ise, oba inhina, oba abaana, oba ebibandha, ku lwange aliirizibwagho emikuzi kikumi, era yaafuna n'obulamu obutawaagho.

Matayo 10:39

Oyo agezaaku okuwonia obulamu bwe abufiirwa, ate oyo afiirwa obulamu bwe olw'okuba nze abuwonia.

2 Ab'e Korintho 12:10

Ku lwa Kurisito ndi musangaavu okuba n'obunafu, okuvumibwa, okuba n'ebizibu, okukirigibwa n'okukaluubirizibwa. Kuba bwe mba omunafu, olwo bwe mba ow'amaani.

Ebikolwa by'Abatume 9:16

Era ndimwoleka nga bw'aja okudaagadaaga einho ku lwange.”

Luka 9:24

kuba buli ayenda okuwonia obulamu bwe, oyo abuza bubuze aye abuza obulamu bwe ku lwange, oyo abuzaawula.

Okwolekebwa 12:11

Abo baamughangula n'omusaayi ogw'Entaama Ento n'olwamazima ge badhulira, obulamu bwaibwe baaloba kubufaaku waire okutya okufa.

Matayo 10:22

Abantu boonaboona balibakyagha olw'eriina lyange. Aye oyo alyekalangula okutuusa ku nkomerero, alirokolwa.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.

Ebikolwa by'Abatume 21:13

Aye Paulo yairamu ati: “Mukola ki ekyo okulira n'okunafuya omwoyo gwange? Nze tiri mwetegefu kusibwa kyonka aye era n'okufiira mu Yerusalemu olw'eriina lya Musengwa Yesu.”

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.

Abaheburayi 11:35

n'abakazi baagheebwa abantu baibwe abazuukiziibwa. Abandi tibaaganha kulekulibwa, baitibwa basobole okuzuukirira obulamu obusinga bukalamu.

Ebikolwa by'Abatume 20:24

Aye titwala bulamu bwange ng'ekintu eky'omughendo ye ndi. Ekikulu n'okutuukiriza olugendo lwange n'omulimo Yesu gwe yangemya ogw'okukobera abantu Amawulire Amalungi ag'ekisa kya Katonda.

Mariko 8:36

“Omuntu aganhulwamu ki okufuna ensi yoonayoona aye n'afiirwa obulamu bwe?

Omulangirizi 3:6

Ekiseera eky'okufuna, n'ekiseera eky'okufiirwa. Ekiseera eky'okukuuma ekintu, n'ekiseera eky'okukisuula ere.