Mariko 8:12 - Baibuli Ekibono kya Katonda 2014

¹² Yesu yaisa ekikoowu, yaakoba ati: “Lwaki abantu ab'enaku dhino benda akamanhiso? Bwenebwene ka mbakobere, ghazira kamanhiso kaidha kugheebwa bantu ba nnaku dhino!”

Mariko 8:12 ပူးပေါင်းရင်းမြစ်များ

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Matayo 12:38

Agho abandi ku Banamateeka n'Abafarisaayo baamwiramu nga bakoba bati: “Mwegeresa twenda otughe akamanhiso.”

Matayo 16:4

Abantu ab'oluse luno aboonooni era abatatya Katonda benda akamanhiso! Ate nga akamanhiso tikaidha kubagheebwa, okutoolaku akamanhiso aka Yona.” Yaabavaaku yaaja.

Mariko 3:5

Agho Yesu ng'asungughaire, yaabeezunguluza amaiso era nga n'okunakughala anakughaire olw'obukalangufu obw'emyoyo gyaibwe. Yaakoba ow'omukono ogwaniala ati: “Golola omukono.” Yaagugolola era gwawona!

Mariko 6:6

Era yeewuunhia inho obutaikiriza bwaibwe. Yaabitabita mu byalo ebiriinaine agho ng'ayegeresa.

Mariko 7:34

yaalinga ghaigulu, yaisa omuuka, yaakoba ati: “Effatha!” Ekitegeeza kiti: “Iguka.”

Mariko 8:13

Yaabaleka yaaniina mu lyato kabiri, yaasomoka.

Mariko 9:19

Yesu yaakoba ati: “Yii, oluse luno oluzira kwikiriza! Ndituusa gha okuba n'imwe? Ndituusa gha okubaguminkiriza? Mumundeetere ghano.”

Luka 19:41

Agho Yesu yaatuuka okumpi n'ekibuga, bwe yakibona yaalira.