Mariko 8:11 - Baibuli Ekibono kya Katonda 2014

¹¹ Agho ghaidhagho Abafarisaayo, okutakana ni Yesu, baamuleba, nga bamwendaku akamanhiso okuva mu igulu.

Mariko 8:11 ပူးပေါင်းရင်းမြစ်များ

Okuvaayo 17:2

Kale beemuluguunhiza Musa nga bamukanda bati: “Ife tufunire amaadhi ag'okunhwa.” Musa yaabairamu ati: “Lwaki muneemuluguunhiza? Lwaki muleba Musengwa Katonda.”

Okuvaayo 17:7

Abantu abo Abaisiraeli beemuluguunhiza Musengwa Katonda era baamuleba nga bakoba bati: “Aye bwene Musengwa Katonda ali mu ife oba bbe?” Kale Musa kyeyava n'atuuma ekifo ekyo amaina gano: Massa, eritegeeza “okuleba”, ni Meriba, eritegeeza “Okwemuluguunhia”.

Malaki 3:15

Mu kubona okwaife, abo abeetwala okuba aba ghaigulu n'abafuna enkabi. Era abakozi b'ebibi tibakoma ku bintu kubajiira bukalamu kyonka, aye ni bwe baleba Katonda ghazira kibakolebwaku naire.’ ”

Matayo 12:38

Agho abandi ku Banamateeka n'Abafarisaayo baamwiramu nga bakoba bati: “Mwegeresa twenda otughe akamanhiso.”

Matayo 19:3

Agho Abafarisaayo baaseeta gh'ali, baamuleba nga bakoba bati: “Kiikirizibwa omusaadha okubinga mukazi we ng'amulanga ensonga yoonayoona?”

Matayo 21:23

Agho Yesu yaidha mu isinzizo, era bwe yali ayegeresa Bakabona Abakulu n'abakulu ab'ebika baaseeta gh'ali baamukoba bati: “Buyinza ki obukukoza bino, era naani eyakugha obuyinza obwo?”

Matayo 22:15

Agho Abafarisaayo baaja beekobaana engeri ye baghanga okumuleba mu by'ayogera.

Matayo 22:18

Yesu bwe yamanha olukwe lwaibwe yaabakoba ati: “Bakuusa imwe, lwaki mundeba?

Matayo 22:23

Ku lunaku lwene olwo, Abasaddukaayo, abakoba bati ezira kuzuukira, baaseeta aghaali Yesu, baamubuuza bati:

Mariko 12:15

Aye Yesu olw'okumanha obukuusa bwaibwe, yaabakoba ati: “Lwaki mundeba? Mundeetere ghano e dinari mbone!”

Mariko 2:16

Agho Abanamateeka ab'omu Bafarisaayo bwe baabona ng'alya n'aboonooni n'abaghooza, baakoba Abeegeresebwa be bati: “Lwaki alya n'abaghooza n'aboonooni, n'okunhwa n'anhwa nabo?”

Mariko 9:16

Yesu yaababuuza ati: “Kiki ekibatakania nabo?”

Luka 10:25

Ghaabaagho Omunamateeka yaasituka yaaleba Yesu ng'akoba ati: “Mwegeresa, nkole ki okufuna obulamu obutawaagho?”

Luka 11:16

Ate abandi nga bamuleba, baamusaba akamanhiso okuva mu igulu.

Yoanne 4:48

Yesu yaamukoba ati: “Okutoolaku nga muboine obumanhiso n'ebyewuunhio timughanga kwikiriza.”

Yoanne 6:30

Baamukoba bati: “Kamanhiso ki k'onaakola tubone era tukwikirize? Oja kukola ki?

Yoanne 7:48

Mwali muwuliireyooku Omuyudaaya omukulu oba Omufarisaayo amwikiriza?

Yoanne 8:6

Baakoba ebyo kumuleba nga benda akobe ekinaamuteesaaku omusango, aye Yesu yaakotaamirira bw'aghandiika ku itaka n'olwala lwe.

Ebikolwa by'Abatume 5:9

Petero yaamukoba ati: “Ekikoba mwaisania okuleba Mwoyo wa Musengwa? Oli kuwulira, abaziise balo bali ku mulyango, weena baidha kukutwala.”

1 Ab'e Korintho 10:9

Tulobenga kuleba Musengwa ng'abandi ku abo bwe baakola, emisota ni gibaita.

Amateeka Agokubiri 6:16

“Mutalebanga Musengwa Katonda waimwe, nga bwe mwamuleba e Massa.