Mariko 7:9 - Baibuli Ekibono kya Katonda 2014

⁹ Era yaayongera yaabakoba ati: “Nga mwidhi bukalamu obutafa ku iteeka lya Katonda musobole okukuuma agaimwe!

Mariko 7:9 ပူးပေါင်းရင်းမြစ်များ

Zabbuli 119:126

Wo Musengwa Katonda, ekiseera kituuse obeeku ni ky'okola, kuba abantu bamenha amateeka go.

Isaia 24:5

Abantu boonoine ensi nga bava ku mateeka ga Musengwa Katonda, baadheemera ebiragiro bye, era baamenha endagaano ye etawaagho.

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Danieli 11:36

“Kyabazinga wa Siria oyo alikola nga bw'ayenda, yeegulumiza era yeekudumbaza ng'alowooza ati n'asinga bakatonda boonaboona. Alyogera ebintu ebitiisa einho ku Katonda asinga bakatonda boonaboona. Era ebintu birimujiira bukalamu okutuusa Katonda lw'alimumaliraku obusungu bwe kuba Katonda oyo kye yategeka kiri n'okutuukirira.

Danieli 7:25

Alyogera bubi ku oyo Ali Ghaigulu Yeene, era yaadaazadaaza abatukuvu b'oyo Ali Ghaigulu Yeene. Aligezaaku okukyusa ebibinuko ebyabalagirwa n'amateeka agaabagheebwa. Era abantu ba Katonda abo baliba mu buyinza bwe okumala emyaka esatu n'ekitundu.

Mariko 7:13

Mu nsambo oti n'eyo mudibya ekibono kya Katonda nga mwegeresa empisa dha badhaadha baimwe. Era n'ebindi kamaala eby'ensambo ng'oti n'eyo bye mukola.”

Mariko 7:3

Ate nga Abafarisaayo n'Abayudaaya boonaboona, nga bajiira ku mpisa ya badhaadha baibwe, tibalya nga tibanaabye ngalo okutuusa mu nkokola.

Mariko 7:5

Kale Abafarisaayo n'Abanamateeka baamubuuza bati: “Lwaki Abeegeresebwa bo tibabisa mu mpisa ya badhaadha, baalya omugaati nga tibanaabye mu ngalo?”

Ab'e Roma 3:31

Mperaano okwikiriza kitegeeza kudibya Mateeka? Busa naire, tugagumya bugumye.

2 Ab'e Korintho 11:4

Kuba muganha mangu omuntu bw'aidha n'abakobera Yesu owundi ife ye tutabakoberangaku, oba bwe mufuna mwoyo owundi atali Mwoyo Mutukuvu ye mwafuna, oba ole bw'abakobera amawulire amalungi agandi agatali ago ge twabakobera.

Ab'e Galatia 1:14

Bayudaaya banange bwe twaisuka, nabaswikirira inho mu kugema empisa edh'endhikiriza ey'Ekiyudaaya, era ni mu kwekalangulira ku mpisa dha badhaadha baife.

Ab'e Galatia 2:21

Tidibya kisa kya Katonda. Aye oba omuntu asobola okubalibwa okuba omutuukirivu olw'okugema Amateeka, olwo Kurisito aba yafiira busa.

2 Ab'e Thessalonika 2:4

Oyo n'atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.