Mariko 7:7 - Baibuli Ekibono kya Katonda 2014

⁷ Bansinza mu nsinza eziramu, nga beegeresa endhegeresa abantu ye bataagho, yaaba ng'oti n'endhegeresa eyange.’

Mariko 7:7 ပူးပေါင်းရင်းမြစ်များ

Isaia 29:13

Agho Musengwa Katonda yaakoba ati: “Abantu bano baidha ye ndi bantaamu ekitiisa mu bibono bubono, aye ng'emyoyo gyaibwe gindi ghala. Ensinza ye bansinzaamu ejiira ku ndhegeresa na mateeka abantu bye bataagho, ni babigema obugeme mu mitwe gyaibwe ng'oti nkusu.

Malaki 3:14

Mwakoba muti, ‘Kuba kudaagira bwereere okugheereza Katonda. Kigasa ki okugondera Musengwa Katonda oyo Afuga Amagye, n'okweyoleka y'ali nti tuli mu nnaku?

Matayo 15:9

Bansinza mu nsinza eziramu, nga beegeresa endhegeresa abantu ye bataagho obute, n'eba ng'oti n'endhegeresa eyange.’ ”

Matayo 6:7

“Aye mu kusaba mutabalankananga ng'abatatya Katonda bwe bakola, kuba badhuuba bati mu bibono byaibwe kamaala mwe bawulirirwa.

1 Ab'e Korintho 15:14

Era oba nga Kurisito tiyazuukira, bye tubakobera muzira, era ni bye mwikiriza muzira.

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

Amateeka Agokubiri 12:32

“Mufubenga okutuukiriza buli kye mbalagira. Mutabangaku kye mwongeraku, waire kye mukendeezaaku.

Ab'e Kolosai 2:22

Nga byonabyona bigema ku bintu ebikozesebwa ni biwaagho, era ng'ebyo byonabyona bya kugalaga na kwegeresa kwa bantu buntu.

Tito 3:9

Aye oteeyimbanga mu ntaka dhiziramu makulu, oba okutakana ku ndyo dha bantu, oba obutaisania n'okusoola ku biri mu mateeka, kuba ebyo ghazira kye biganhula era bya bwereere.

Yakobo 1:26

Ole bw'alowooza ati aikiriza, aye n'atafuga lulimi lwe, yeesubagha era n'okwikiriza kwe muzira.

Yakobo 2:20

Musiru iwe, oyenda okukulaga ng'okwikiriza okuziraku bikolwa bwe kuli okufu?

Okwolekebwa 22:18

Ndabula kiisi awulira bibono bya bulanzi ebiri mu kitabo kino: oyo alibyongeraku, Katonda alimwongeraku ebibamba ebighandiikiibwaku mu kitabo kino.

1 Samueli 12:21

Era mutadaaliimanga ni mujiira ku bintu ebiziramu muganhulo, ebitaghanga kugasa waire okuwonia omuntu, kuba biziramu muganhulo.