Mariko 7:21 - Baibuli Ekibono kya Katonda 2014

²¹ kuba mu mwoyo ogw'omuntu n'omuva ebidhuubo ebibi, obwenzi, obwibi, obutemo,

Mariko 7:21 ပူးပေါင်းရင်းမြစ်များ

Amainhama 6:5

Musengwa Katonda yaabona ng'omuntu ku nsi afuuse mubi inho era ng'ebidhuubo bye bibi ekiseera kyonakyona.

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Yobu 25:4

Ghaligho omuntu yeenayeena asobola okuba omutuufu mu maiso ga Katonda? Omuntu eyazaalibwa obuzaalibwe, aghanga okuba omulongoofu?

Zabbuli 119:36

Nhamba okwendanga okukola by'okoba, okusinga okwendanga eby'obufuni.

Zabbuli 14:1

Abasiru bakoba mu myoyo gyaibwe bati: “Katonda azirayo.” Baidhwire obukupya, bakola ebyenhinhasa era boonaboona bakola bikyamu byereere.

Zabbuli 14:3

Aye boonaboona baaghaba, boonaboona baidhwire bukupya. Ghazira akola kituufu, ghazira naire omulala ati.

Zabbuli 53:1

Abasiru bakoba mu myoyo gyaibwe bati: “Katonda azirayo.” Baidhwire obukupya, era bakola ebyenhinhasa; boonaboona bakola bikyamu byereere.

Zabbuli 53:3

Aye boonaboona baaghaba; boonaboona baagayaga obubi. Ghazira akola kituufu, ghazira naire omulala ati.

Ensambo 15:25

Musengwa Katonda azikiriza endhu edh'abantu abeekuluntaza, aye yaakuuma ebintu bya banamwandu.

Ensambo 4:23

Weekuumenga inho by'odhuuba mu mwoyo gwo, kuba obulamu bwo bufugibwa ebyo ebikuli ku mwoyo.

Isaia 59:13

Twakudheemera twakuvaaku iwe Musengwa Katonda, twaloba kukunonereza iwe Katonda waife. Twatuntuza banaife era twakudheemera. Bye tulowooza bikyamu, ni bye twogera bya buguya.

Isaia 59:7

Mwangugha inho okukola ebibi aghazira kusibamu, era mwayanguyirwa inho okwita abantu abaziraku musango. Buli ghe mubita muzikirizaagho, mwaleka bifulukwa byereere. Ebirowoozo byaimwe mubimalira ku kukola bibi byonka.

Yeremia 16:12

Aye imwe mukoze bubi n'okusinga badhaadha baimwe abo. Buli muntu ku imwe akola ebyo omwoyo gwe omukalangufu era omubi bye gwenda, yaaloba okumpulira.

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Ezekieli 38:10

Musengwa Katonda era akoba, ati: “Ku lunaku olwo ebidhuubo biriidha mu mwoyo gwo, waategeka okukola akabi,

Matayo 15:19

kuba ku mwoyo n'okuva ebidhuubo ebibi, obutemo, okwenda, okwemadula, obwibi, okughaayiriza, n'okuvuma Katonda.

Matayo 9:4

Aye Yesu yategeera ebidhuubo byaibwe, yaakoba ati: “Lwaki muba n'ebidhuubo ebibi bityo?

Mariko 7:20

Yaakoba ati: “Ekiva mu muntu n'ekyonoona omuntu

Mariko 7:22

omuluulu, omulyakubi, obugwenhufu, obuguya, ensaalwa, okughaayiriza, olunkulu n'obusirusiru.

Luka 16:15

Aye yaabakoba ati: “Niimwe abeerongoosa mu maiso ag'abantu aye Katonda aidhi emyoyo gyaimwe kuba abantu kye basuuta, Katonda akyenhinhala.

Ebikolwa by'Abatume 5:4

Bw'obaire okaali kutunda kibandha kyo, tikibaire kikyo? Ate bw'omaze okukitunda, ebiviiremu tibibaire bibyo? Memale lwaki ekintu ng'oti n'ekyo kikwidhie mu mwoyo gwo? Tosubaighe bantu, osubaighe Katonda.”

Ebikolwa by'Abatume 8:22

Kale ni weenenie ekirowoozo kyo ekyo ekibi, weeghembe Katonda tomanha bw'akusonigha ekidhuubo ekyo ekiri mu mwoyo gwo.

Ab'e Roma 7:5

Bwe twali nga tufugibwa omubiri, Amateeka gaasiikuulanga okwegomba kwaife okubi, okwegomba okwo kwakola mu mibiri gyaife, kwaleeta okufa.

Ab'e Roma 7:8

Aye ekibi nga kibita mu kiragiro ekyo, kyandeetera okwegomba okubi okwa buli nsambo, kuba amateeka bwe gatabaagho ekibi kiba kifiire.

Ab'e Kolosai 3:5

Kale mwite okwegomba okubi okuli mu imwe: obwenzi obudankaanu, okwegomba okw'ensoni, okuwugaawugana, obutaiguta, kuba kino kiri ng'oti kusinza ebitali Katonda.

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

Yakobo 2:4

olwo oba oboire ng'ojiira ku bidhuubo ebibi.