Mariko 6:21 - Baibuli Ekibono kya Katonda 2014

²¹ Aye olunaku lwatuuka, Herodia yaafuna akakisa. Lwali lunaku lwa mazaalibwa ga Herode. Era Herode oyo yaagabula abaami, n'abakulu ab'abaisirukale, n'abataka abakulu mu Galilaaya.

Mariko 6:21 ပူးပေါင်းရင်းမြစ်များ

Amainhama 27:41

Esau yaakyagha Yakobo olw'enkabi ise dhe yamusabira. Esau yaakoba mule ati: “Enaku edh'okulira nga bbaaba afiire, dhiri kumpi kutuuka. Bwe dhirituuka, ndiita muganda wange Yakobo.”

Amainhama 40:20

Ku lunaku olwokusatu, olwali olw'okukulizaaku amazaalibwa ga kyabazinga, kyabazinga yaagabula abakungu be boonaboona embaga. Yaafulumya mu ikomera omusenero omukulu n'omufumbi omukulu, bombi yaabaleeta mu maiso g'abakungu be.

Hosea 7:5

Ku lunaku kyabazinga lw'akoleraku embaga, abantu abo abanhoomi basirughaza kyabazinga n'abakungu be nga babatamiiza omwenge. Era ni beene boona gwabagema.

Luka 3:1

Agho mu mwaka ogweikumi n'etaanu ogw'obufuzi bwa Tiberio Kaisari, Pontio Pilato yali nga n'afuga Buyudaaya, ate Herode nga n'ow'eisaza ly'e Galilaaya, muganda we Filipo nga n'ow'eisaza ly'e Iturea n'ekiketezo eky'e Turakoniti, ate Lisania nga n'ow'eisaza ly'e Abilene,

Ebikolwa by'Abatume 25:23

Enkyo bwe lwatuuka, Agurippa ni Berunike baidhira mu kitiisa kinene inho bangira mu kisenge omwesololezanga abantu, nga bali n'abakulu ab'abaisirukale n'abantu abakulu mu kibuga. Fesito yaalagira Paulo aleetebwe.

1 Petero 4:3

Mu biseera ebyabita mwali n'obwire obumala okukola ebyo abantu ab'ensi bye benda. Mwemaliranga mu bwenzi, mu bukaba, mu butamiivu, mu kuja ku bibinuko ebibi, ni mu kusinza ebintu ebitali Katonda ebyenhinhalwa.

Okwolekebwa 11:10

Abantu ab'oku nsi balisagamba baasangaala era baagheerezagania ebirabo olw'okufa kw'abalanzi abo bombi; kuba abo baaleetera abantu ab'oku nsi okudaagadaaga einho.