Mariko 6:20 - Baibuli Ekibono kya Katonda 2014

²⁰ Herode yali atya Yoanne, ng'amwidhi bw'ali omuntu omutuufu era omutuukirivu n'okumukuumanga obukalamu. Yayagaananga obuzibu mu bye yayogeranga, aye ng'amuwulirisa bukalamu.

Mariko 6:20 ပူးပေါင်းရင်းမြစ်များ

1 Bakyabazinga 21:20

Ahabu bwe yabona Eliya, yaamukoba ati: “Ongwikiriiza, omuzigu wange iwe?” Eliya yaamwiramu ati: “Yii, nkugwikiriiza, kuba weegheereireyo irala mu kukola ebibi mu maiso ga Musengwa Katonda.

2 Bakyabazinga 13:14

Agho Elisha yaalwala obulwaire obwamuviiraku okufa. Yehoashi kyabazinga wa Isiraeli yaaja y'ali okumubona. Yaalira amaziga ng'akoba ati: “Lata wange, lata wange! Iwe ow'amaani ng'oti bigaali bya mu lutalo n'embalaasi, ebirwanirira Isiraeli!”

2 Bakyabazinga 6:21

Kyabazinga wa Isiraeli bwe yabona Abasiria abo, yaabuuza Elisha ati: “Lata wange, mbaite? Mbaite?”

2 Ebyomubyanda 24:2

Yoashi yaakolanga ebituufu Musengwa Katonda by'asiima ekiseera kyonakyona Yehoiada kabona kye yamala nga mulamu.

2 Ebyomubyanda 26:5

Yeeghaayo yaagheerezanga Katonda, ebiseera byonabyona Zekaria eyamwegeresa okutyanga Katonda oyo bye yamala ng'akaali mulamu. Era Musengwa Katonda yaaleetera Uzzia ebintu okumujiiranga obukalamu, ekiseera kyonakyona Uzzia oyo kye yamala ng'amugheereza.

Okuvaayo 11:3

Agho Musengwa Katonda yaaleetera Abamisiri okutya Abaisiraeli. Ate ekindi, Abamisiri abo ng'otwaliizaamu n'abakungu ba kyabazinga beene, baatwalanga Musa okuba omuntu omukologho.

Ezekieli 33:32

Era, bona eno, iwe bakutwala ng'omwembi ow'enhembo edh'okugonzania, ayemba mu mamiro amalungi okuwulira era n'akubiraku ebivuga obukalamu. Bawulirisa bukalamu by'obakoba, aye ghazira naire ekirala kiti kye bata mu nkola.

Danieli 4:18

“Ekyo n'ekirooto nze kyabazinga Nebukadinezzari kye naloota. Buti iwe Beluteshazzari, nkobera amakulu gaakyo, kuba abantu abagezigezi ab'omu bwakyabazinga bwange, amakulu gaakyo gaabalemye okunkobera. Aye iwe osobola, kuba omwoyo gwa bakatonda abatukuvu gukuliku.”

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Danieli 5:17

Agho Danieli yaamwiramu ati: “Isebantu kyabazinga, ebirabo byo bisigaze iwe mwene, oba obighe omuntu owundi. Aye nze ndidha kukusomera ekighandiiko ekyo, nkukobere n'amakulu gaakyo.

Matayo 14:5

Aye waire yeegomba okumwita, yatya abantu abaali bamutwala nga mulanzi.

Matayo 21:26

Ate bwe tukoba tuti, ‘Kwava mu bantu,’ tuba twereeteire omutawaana ogw'abantu, kuba boonaboona bakiidhi nga Yoanne yali mulanzi mwene.”

Mariko 11:18

Bakabona Abakulu n'Abanamateeka olwawulira ebyo, baanoonia engeri ey'okumuzikiriza. Baali bamutya kuba abantu boonaboona baali nga basamaaliriire olw'endhegeresa ye.

Mariko 4:16

Era edho edhisigibwa mu itaka ery'oku lubaalebaale, n'abo abawulira ekibono baakitwala n'eisanhu.

Yoanne 5:35

Yoanne yali ng'oti itaala eryaka ni limulisa, aye okumulisa kwe kwabasangaazaaku kaseera buseera.

Ebikolwa by'Abatume 2:12

Baayasaamirira boonaboona era baasoberwa, beebuuzagania bati: “Kino kitegeeza ki?”

Ebikolwa by'Abatume 5:24

Omukulu ow'abakuumi ab'eisinzizo ni Bakabona Abakulu bwe baawulira ebibono bino byabasobera era baasigala nga beewuunhia kino kye kitegeeza.