Mariko 6:2 - Baibuli Ekibono kya Katonda 2014

² Olwa Sabbato bwe lwatuuka, yaatoolera okwegeresa, mu sinagoga. Abantu kamaala abaamuwulira beewuunhia baakoba bati: “Ono bino abitoola gha? Magezi ga kika ki agaamugheebwa, n'ebyewuunhio ebyaga agho n'asobola okubikola!

Mariko 6:2 ပူးပေါင်းရင်းမြစ်များ

Matayo 4:23

Agho Yesu yeezungulula Galilaaya yoonayoona, ng'ayegeresa mu sinagoga dhaibwe, era ng'abakobera Amawulire Amalungi ag'Obwakyabazinga yaawonia buli bulwaire na buli bugodhe mu bantu.

Matayo 7:28

Yesu bwe yamala okwogera ebibono ebyo abantu beewuunhia endhegeresa ye

Mariko 1:39

Atyo ni, Yesu yaatambula mu Galilaaya mwonamwona ng'ayegeresa mu sinagoga dhaibwe era n'abaaliku emizimu ng'abawonia.

Mariko 10:1

Yesu yaava agho yaaja mu kiketezo eky'e Buyudaaya ng'osomoike Yorudani abantu kamaala baasombokera gh'ali kabiri era yeena yaabeegeresa, nga bwe yali amanhiriire.

Luka 2:47

Era boonaboona abaamuwulirisa beewuunhia inho amagezi ge, ni bye yairangamu.

Luka 4:15

Yaayegeresa mu sinagoga dhaibwe nga boonaboona bamutaamu ekitiisa.

Yoanne 6:42

Baakoba bati: “Ono ti ni Yesu, mutabane wa Yosefu? Ise n'inhina tubaidhi. Akoba atya mperaano ati, ‘Naika okuva mu igulu?’ ”

Yoanne 7:15

Abayudaaya beewuunhia inho baakoba bati: “Omusaadha ono tabangaku amwegeresa! Bino byonabyona yabyega atya?”