Mariko 6:14 - Baibuli Ekibono kya Katonda 2014

¹⁴ Agho Herode kyabazinga yaawulira ku Yesu, kuba eriina lye lyali limanhikaine inho era abandi nga bakoba bati: “Yoanne Omubatiza n'azuukiire mu bafu era kyava akola ebyewuunhio”.

Mariko 6:14 ပူးပေါင်းရင်းမြစ်များ

2 Ebyomubyanda 26:15

Abasaadha abakugu baayiiya, baakola mu Yerusalemu ebyuma ebiteebwa ku bituuti ebirengererwaku ni ku nsonda dh'ebimante, ni birasa obusaale era ni bisuula amabaale amanene. Kale yaamanhika inho woonawoona, era yaaba wa maani olw'obuyambi obungi einho bwe yafuna.

2 Ebyomubyanda 26:8

Abammoni baamughanga omusolo, era yaamanhikana inho okutuukira irala ku nsalosalo ni Misiri, kuba yafuuka wa maani inho.

Matayo 9:31

Aye bano olwava agho baaja baamulaalaisa mu nsi eyo yoonayoona.

Mariko 1:28

Era ebigema ku Yesu byasansaana mangu mu biketezo eby'e Galilaaya byonabyona.

Mariko 1:45

Aye, ono olwafuluma ng'atoolera kukobera buli ye yayagaananga, era atyo yaasansaania amawulire woonawoona. Era okuva ku olwo nga Yesu takaaghanga kungira mu kibuga mu lwatu, aye yaasigalira kubanga mu bifo eby'embali ezira bantu. Eyo, abantu okuva buli ghantu ye baamwagaananga.

Mariko 8:28

Baamukoba bati: “Yoanne Omubatiza, abandi bati Eliya, ate abandi bati mulala ku balanzi.”

Luka 13:31

Mu saawa yeene eyo ghaabaagho Abafarisaayo abaidha baamukoba bati: “Va ghano oje, kuba Herode ayenda kukwita.”

Luka 3:1

Agho mu mwaka ogweikumi n'etaanu ogw'obufuzi bwa Tiberio Kaisari, Pontio Pilato yali nga n'afuga Buyudaaya, ate Herode nga n'ow'eisaza ly'e Galilaaya, muganda we Filipo nga n'ow'eisaza ly'e Iturea n'ekiketezo eky'e Turakoniti, ate Lisania nga n'ow'eisaza ly'e Abilene,

Luka 7:17

Ekibono kino ekigema ku Yesu kyabuna mu Buyudaaya mwonamwona ni mu biketezo byonabyona ebiriinaine wo.

Luka 9:19

Baamwiramu bati: “Yoanne Omubatiza, aye abandi bati Eliya, ate abandi bati mulala ku balanzi ab'eira n'azuukiire.”

1 Ab'e Thessalonika 1:8

Olw'ensambo ye mwebisangamu, ekibono kya Musengwa kyaja nga kiwulirwa mu Makedonia ni mu Akaia, era n'okwikiriza kwaimwe mu Katonda kwatuuka buli ghantu. Kale ghazira kye twetaaga kwogera,

Abaheburayi 2:4

Ni Katonda mwene yeena yaakakasa ebibono byaibwe ng'akola obumanhiso, n'ebyewuunhio, n'ebyewuninkiriza eby'endhawulo, era ng'agaba n'ebirabo bya Mwoyo Mutukuvu nga bwe yayendanga.