Mariko 5:35 - Baibuli Ekibono kya Katonda 2014

³⁵ Yali akaayogera, abaava ew'omukulu wa sinagoga baidha baakoba bati: “Mughala wo afiire! Omwegeresa okaamudaagiza ki?”

Mariko 5:35 ပူးပေါင်းရင်းမြစ်များ

Matayo 26:10

Aye Yesu yaakimanha, yaakoba ati: “Lwaki mutabula omukazi ono? Ekikolwa ky'ankoleire kikalamu

Matayo 26:18

Yaakoba ati: “Muje ewa nankani mu kibuga, mumukobe muti Omwegeresa akobye ati, ‘Ekiseera kyange kituuse, ewuwo ye nnaaliira Ekibinuko eky'Okwidhukiriraku Okubitizibwa n'Abeegeresebwa bange.’ ”

Matayo 9:18

Yesu bwe yali ng'akaayogera nabo ebyo, omukungu mulala yaatuuka, yaakuba amakiryaivu, yaakoba ati: “Mughala wange yaakakutuka aye idha omugemeku n'omukono gwo, aidha kulama.”

Mariko 10:17

Yesu olwagwa mu ngira ati, ghaabaagho eyamulumuukirira yaakuba amakiryaivu, yaamubuuza ati: “Mwegeresa omulungi, nkole ki okufuna obulamu obutawaagho?”

Mariko 5:22

Agho mulala ku bakulu ba sinagoga, eriina lye nga ni Yairo, yaidha. Bwe yabona Yesu, yaakuba amakiryaivu gha bigere bye,

Luka 8:49

Yali akaayogera ghaabaagho eyaidha ng'ava ew'omukulu wa sinagoga yaakoba ati: “Mughala wo afiire, otayongera kudaaza Mwegeresa.”

Yoanne 11:21

Maritha yaakoba Yesu ati: “Musengwa nguli wali ghano mwanhinaze tiyandifiire!

Yoanne 11:25

Yesu yaamukoba ati: “Ninze okuzuukira era ninze obulamu. Kiisi aikiriza nze ni bw'afa, aba mulamu

Yoanne 11:28

Maritha bwe yamala okwogera ebyo yaaja yaayeta muganda we kawola ati: “Musengwa atuuse era ali kukweta.”

Yoanne 11:32

Maria yaatuuka Yesu ghe yali era olwamubona ati yaakuba amakiryaivu gha bigere bye yaamukoba ati: “Musengwa, nguli wali ghano mwanhinaze tiyandifiire!”

Yoanne 11:39

Yesu yaabakoba ati: “Mutoolegho eibaale!” Maritha mwanhina omufu yairamu ati: “Musengwa, ekiwunha kiidha kuba kinene kuba yaakaba mu magombe enaku ina!”

Yoanne 5:25

Bwenebwene mbakobera nti: Ekiseera kiri kwidha era n'okutuuka kyatuuka, abafu mwe bawulirira eiroboozi ery'Omwana wa Katonda, era abo abaliwulira bafuna obulamu.