Mariko 5:34 - Baibuli Ekibono kya Katonda 2014

³⁴ Agho Yesu yaamukoba ati: “Mwana wange, okwikiriza kwo kukughaire obwibuka, ja bwera era sagaalukira irala.”

Mariko 5:34 ပူးပေါင်းရင်းမြစ်များ

2 Bakyabazinga 5:19

Elisha yaamukoba ati: “Ja miraala.” Agho Naamani yaaja. Aye yali yaakatambulaku katono,

Omulangirizi 9:7

Kale ja olye emere yo ekuwoomere, onhwe omwenge gwo ogw'emizabbibu osangaale, kuba Katonda ekyo kye yakutegekera.

Abalevi 14:48

“Aye kabona bw'anaingiranga n'abona ng'endwaire teizeemu kuboneka mu ndhu eyo ng'emaze okwiramu okukubwa ni seminti ku bimante, anaagirangiriranga ati nongoofu, kuba endwaire ewonie.

Matayo 9:2

Tibwalwa, nga bamuleetera omuntu eyagogoma, ng'alambaire ku ndiri. Yesu bwe yabona okwikiriza kwaibwe, yaakoba omugogomu ati: “Guma omwoyo mwana wange, ebibi byo bikusoniyiibwa.”

Matayo 9:22

Yesu bwe yakyuka yaamubona, yaakoba ati: “Mughala iwe guma omwoyo okwikiriza kwo kukuwoniiza.” Era ku saawa eyo yeene omukazi yaawona.

Mariko 10:52

Agho Yesu yaamukoba ati: “Ja, okwikiriza kwo kukuwoniiza.” Era nga mangu ago airamu okubona, era yaamunonereza mu ngira.

Mariko 3:10

Olw'okuba yawonianga ebirwaire ebya buli nsambo baamwenhigirizangaku baamugemaku.

Mariko 5:29

Tibwalwa ng'omusaayi gulekera era ni mwene mule yaawulira ng'awonie ekirwaire.

Mariko 5:33

Omukazi yaatya era yaadhugumira, ng'ategeire ekimukoleirwa. Yaidha yaakuba amakiryaivu agho mu maiso ga Yesu yaamukobera byonabyona nga bwe byali.

Luka 17:19

Kale n'okumukoba ati: “Situka oje okwikiriza kwo kukuwoniiza.”

Luka 18:42

Yesu yaamukoba ati: “Iramu okubona, okwikiriza kwo kukuwoniiza.”

Luka 7:50

Aye Yesu yaakoba omukazi ati: “Okwikiriza kwo kukuwoniiza, ja miraala.”

Luka 8:48

Yesu yaamukoba ati: “Omughala, okwikiriza kwo kukuwoniiza ja miraala.”

Ebikolwa by'Abatume 14:9

Yaawulirisa Paulo bye yayogera. Paulo bwe yamwekalirisa, yaabona ng'aikiriza era nga asobola okuwonezebwa,

Ebikolwa by'Abatume 15:33

Bwe baamalayooku entangama, aboluganda baabasiibula, baje miraala nga bairayo y'abaabatuma. [

Ebikolwa by'Abatume 16:36

Agho omukuumi w'eikomera yaakoba Paulo ati: “Abalamuzi balagiire okubalekula. Kale mperaano mufulume muje bwera.”

Yakobo 2:16

kiganhula ki okumukoba oti: “Nkwendeza nkabi, empewo etakufuuwa, era endhala etakuluma,” aye nga ghazira ky'omughaire ku byetaago bye eby'omubiri?

1 Samueli 1:17

Agho Eli yaamwiramu ati: “Ja n'emiraala! Nsaba Katonda wa Isiraeli akughe ekyo ky'omusabye.”

1 Samueli 20:42

Yonathani yaakoba Daudi ati: “Ja miraala. Twembi ka tusigale nga bwe tulayiire mu liina lya Musengwa Katonda, nga tukoba tuti, ‘Musengwa Katonda aidha kubanga ghagati ghange n'iwe, era abenga ghagati gh'eizaire lyange n'eriryo ebyanda n'ebyanda.’ ” Agho Daudi yaasituka yaaja, ate Yonathani yairayo mu kibuga.