Mariko 5:13 - Baibuli Ekibono kya Katonda 2014

¹³ “Tusindike mu mbiidhi omwo, tube omwo.” Yaagiganha, gyamuvaamu gyangira mu mbiidhi era ekighaso kyonakyona eky'embiidhi edhaali dhighera ng'enkumi eibiri (2,000) dhaalindimukira ku kiyiriro, dhaagwa mu nhandha dhaadimira.

Mariko 5:13 ပူးပေါင်းရင်းမြစ်များ

1 Bakyabazinga 22:22

“Musengwa Katonda yaagubuuza ati, ‘Mu nsambo ki?’ “Omwoyo gwamwiramu guti, ‘Ndidha kuja ndhogeze abalanzi be boonaboona eby'obuguya.’ “Musengwa Katonda yaakoba ati, ‘Oidha kusobola okumusendasenda. Kale ja okole otyo.’ ”

Yobu 1:12

Musengwa Katonda yaakoba Sitaani ati: “Kale, byonabyona by'ali nabyo biri mu buyinza bwo. Aye mwene otamukolaku kabi.” Agho Sitaani yaava mu maiso ga Musengwa Katonda.

Yobu 2:6

Musengwa Katonda yaakoba Sitaani ati: “Kale, wuuyo ali mu buyinza bwo. Aye mulekere obulamu.”

Matayo 7:6

“Embwa mutadhighanga bitukuvu, kuba dhisobola okubakyukira dhaabakankada. Ate amabaale ag'omughendo mutagasuuliranga mbiidhi, kuba dhiganiinirira buniinirire.

Matayo 8:32

Yaagikoba ati: “Kale muje.” Agho gyabavaaku, gyaja mu mbiidhi. Ekighaso kyonakyona kyalindimukira ku kiyiriro embiidhi dhaagwa mu nhandha, dhaafiira mu maadhi.

Mariko 5:12

Agho emizimu n'okusaba Yesu giti:

Mariko 5:14

Abaali bali kudhaaya baalumuka baaja baakobera ab'omu kibuga n'ab'omu byalo, era abantu baidha okubona ebibairegho.

Yoanne 8:44

Muli ba lata waimwe Sitaani, era mugonza kukola lata waimwe by'ayenda. Oyo okuviira irala ku ntoolo mutemo era tabangaku wa mazima, kuba era azira mazima. Bw'ayogera eky'obuguya aba ali kutuukiriza butuukirize kikula kye, kuba oyo muguya era ise w'obuguya.

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.

Okwolekebwa 20:7

Emyaka egyo olukumi (1,000) nga gimaze okuwaaku Sitaani alisibulwa mu ikomera lye,

Okwolekebwa 9:11

Dhaali ni kyabazinga waadho adhifuga nga ni malaika ow'olwina olutakoma. Eriina lye mu Luheburayi, ni Abaddoni, mu Lugureki Apolwoni (eritegeeza “Namuzisa?”).