Mariko 4:8 - Baibuli Ekibono kya Katonda 2014

⁸ “Edhindi dhaagwa ku itaka eirungi, dhaamera dhaakula, dheeyongera okwama ndala yaavaamu asatu, eyindi nkaaga n'eyindi kikumi!”

Mariko 4:8 ပူးပေါင်းရင်းမြစ်များ

Amainhama 26:12

Agho Isaaka yaasiga ensigo mu nsi eyo, yaakungulamu emikuzi kikumi ku bye yasiga mu mwaka ogwo gwene, kuba Musengwa Katonda yamugha enkabi.

Isaia 58:1

Musengwa Katonda era akoba ati: “Kaabuka era oyasiikane nga bw'osobola, obe ng'oti kuvuga kwa igwala. Okobere abantu bange okusobya kwaibwe; oyatulire ab'endhu ya Yakobo abo ebibi byaibwe.

Yeremia 23:29

Obukwenda bwange buli oti muliro, era bwaba ng'oti n'enhundo ekonta amabaale ni gafuuka obumulumulu.

Matayo 13:23

Ate ensigo edhaagwa mu itaka eirungi, n'oyo awulira ekibono yaakitegeera, yaayama ebibala: owekikumi, owenkaaga, n'owasatu.”

Matayo 13:8

Ate edhindi dhaagwa mu itaka eirungi dhaayama, okundi kikumi, okundi nkaaga, okundi asatu.

Mariko 4:20

Ate edho edhaasigibwa mu itaka eirungi, n'abo abawulira ekibono baakiikiriza n'omwoyo mulala era kyayama, okundi asatu, okundi nkaaga, n'okundi kikumi.”

Mariko 4:7

“Edhindi dhaagwa mu mawa, amawa gaaduuma gaadhifundekeza era edho tidhaabala.

Mariko 4:9

Agho yaakoba ati: “Ali n'amatu agawulira awulire.”

Luka 8:15

Eyo eyagwa mu itaka eirungi, n'abo abawulira ekibono kya Katonda n'omwoyo ogugwaine era omulungi, baakikalangula baabala ebibala nga baguminkiriza.

Luka 8:8

Eyindi yaagwa mu itaka eirungi, yaakula yaayama, yaataaku kikumi.” Bwe yasirisa ebyo yaayogerera ghaigulu ati: “Ali n'amatu agawulira awulire!”

Yoanne 15:5

“Ninze omuzabbibu, niimwe ensaga. Oyo aba mu nze zeena ni mmubaamu, ayama inho kuba ghazira kye musobola ghe nzira.

Yoanne 7:17

Kiisi aganha okukola oyo by'ayenda, amanha oba nga bye ndhegeresa byange ku bwange oba biva eri Katonda.

Ebikolwa by'Abatume 17:11

Abayudaaya baayo baali bakalamu okusinga ab'e Thessalonika, kuba baayangugha okwikiriza ekibono kya Katonda. Era buliidho nga beekebeedha Ebyaghandiikibwa okubona oba nga bityo bwe biri.

Ab'Efeso 2:21

Ku oyo ekizimbe kyonakyona kwe kiyungirwa, era ni kifuuka eisinzizo lya Musengwa eitukuvu.

Ab'e Filippi 1:11

Obulamu bwaimwe bwidhule ebikolwa ebikalamu ebiidha nga bibita mu Yesu Kurisito olw'okugheesa Katonda ekitiisa n'olw'okumusaaka.

Ab'e Kolosai 1:6

Amawulire gano agaabakoberwa era agaakoberwa ensi yoonayoona, galeese ebibala ng'oti ni bwe gabaire gakola mu imwe okuva ku lunaku lwe mwawulira era ni mumanha ekisa kya Katonda mu mazima.