Mariko 4:38 - Baibuli Ekibono kya Katonda 2014

³⁸ Yesu yali atendwike mu kalumba ak'eryato nga yeeziziike akaito, baamuzuusa baamukoba bati: “Mwegeresa, tofaayo ng'obona tufa!”

Mariko 4:38 ပူးပေါင်းရင်းမြစ်များ

Isaia 63:15

Wo Musengwa Katonda, ng'oli eyo mu igulu y'oba mu butukuvu bwo ni mu kitiisa kyo, ganha otulingeku eno ghansi. Okutulumirwa kwo n'amaani go biri gha? Obwo tokaatugonza, waire okutusaasira?

Isaia 64:12

Wo Musengwa Katonda, bwenebwene ozira ky'ofaayo naire ku ebyo byonabyona ebibairegho? Bwenebwene oja kusirika busirike, otuleke tudaazibwedaazibwe ebitaloodheka tutyo?

Okulira 3:8

Mba agho naamusaba nga ndira, aye yaaloba okuwulirisa okusaba kwange.

Matayo 22:16

Baamutumira abeegeresebwa baibwe, ni baine ba Herode, baakoba bati: “Mwegeresa twidhi oli wa mazima era oyegeresa mu mazima engira ya Katonda, ozira ye weeguya, kuba tojiira ku mboneka ya bantu.

Matayo 8:25

Kale Abeegeresebwa baaseeta gh'ali baamuzuusa nga bakoba bati: “Musengwa, tuwonie tuli kusaanagho.”

Mariko 4:37

Agho kiwunga ow'amaani yaatoolera era amayengo gaafukika mu lyato, kumpi kwidhula bwidhule.

Mariko 4:39

Yesu yaasituka yaakaabukira kiwunga, n'enhandha yaagikoba ati: “Sirika, laala!” Era kiwunga yaalekera, n'enhandha yaalaala inho.

Luka 8:24

Baaseeta ghe yali baamuzuusa baamukoba bati: “Mwegeresa, Mwegeresa, tuli kusaanagho!” Aye bwe yazuuka, yaakaabukira kiwunga n'amaadhi agaali gatabwike byalekera era kyaba mulaala.

Yoanne 4:6

Agho n'aghaali ensulo eyali emanhiibwa nga ensulo ya Yakobo. Kale Yesu eyali akooye n'olugendo yaatyama agho ku nsulo. Esaawa dhaali nga mukaaga.

Abaheburayi 2:17

Mbeeni kye kyava kimugwanira okuba nga baganda be mu byonabyona, memale asobole okugheereza Katonda ng'Omukulu wa Bakabona, ow'ekisa era omwesigwa, asoniyise abantu ebibi byaibwe.

Abaheburayi 4:15

Omukulu wa Bakabona oyo ye tuli naye, n'oyo afaayo okutusaasira mu bunafu bwaife, era n'oyo eyalebwa mu buli nsambo ng'oti niife bwe tulebwa aye n'atakola kibi kyonakyona.

1 Petero 5:7

Mumulekere ebibeeraliikiriza byonabyona, kuba abafaaku inho.