Mariko 4:34 - Baibuli Ekibono kya Katonda 2014

³⁴ Tiyayogeranga nabo nga takozeisa lufumo aye bwe baasigalanga bonka ng'Abeegeresebwa be abainhonhola byonabyona.

Mariko 4:34 ပူးပေါင်းရင်းမြစ်များ

Matayo 13:34

Ebyo byonabyona Yesu yabikoberanga abantu mu nfumo, era ghazira kye yabakobera nga takozeisa lufumo.

Mariko 4:10

Agho Yesu bwe yali embali yenka, abaali agho, n'Eikumi n'Ababiri baamubuuza ku nfumo.

Mariko 4:33

Era yaabakobera ekibono mu nfumo kamaala edhifaananaku n'edho, nga bwebaaghanganga okutegeera.

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Yoanne 10:6

Yesu yabakobera olufumo luno, aye tibaamanha kiki kye yali ali kutegeeza.

Yoanne 16:25

“Mbairenga nkozesa ndheso okubakobera ebintu bino aye ekiseera kiidha kutuuka mbe nga tikaayogera n'imwe mu ndheso, aye mbakobere busimbalaala ebigema ku Lata.

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.