Mariko 3:5 - Baibuli Ekibono kya Katonda 2014

⁵ Agho Yesu ng'asungughaire, yaabeezunguluza amaiso era nga n'okunakughala anakughaire olw'obukalangufu obw'emyoyo gyaibwe. Yaakoba ow'omukono ogwaniala ati: “Golola omukono.” Yaagugolola era gwawona!

Mariko 3:5 ပူးပေါင်းရင်းမြစ်များ

Amainhama 6:6

Agho yeidhusa ekyamutonza omuntu ku nsi, era enaku yaamuluma ku mwoyo.

1 Bakyabazinga 13:6

Agho kyabazinga Yeroboamu yaakoba omulanzi ati: “Weeghembe Musengwa Katonda wo onsabire, omukono gwange gwiregho.” Omulanzi yeeghemba Musengwa Katonda, omukono gwa kyabazinga ogwo gwairagho, gwaba mu mbeera yaagwo eyabuliidho.

Nehemia 13:8

Naasungughala inho era naatoola mu kisenge ekyo ebintu bya Tobia byonabyona, naabisuula kuliya.

Zabbuli 95:10

Abantu abo baamala emyaka amakumi ana (40) nga banguuda ku mwoyo, bansina. Naakoba nti, ‘Abantu bano badheemu okuviira irala mu myoyo gyaibwe, era amateeka gange tibagajiiraku naire.’

Matayo 12:13

Agho yaakoba omusaadha ati: “Funhulula omukono gwo.” Yaagufunhulula era gwairagho okuba omulamu nga gule ogundi.

Mariko 3:4

“Situka oyemerere ghagati.” Era yaakoba ati: “Kigwaine ku Sabbato okukola obulungi oba okukola obubi? Okuwonia obulamu oba okubuzikiriza?” Aye baasirika busirike.

Luka 13:15

Musengwa yaamwiramu ati: “Bakuusa imwe! Naani mu imwe, ku lwa Sabbato atasibula nte ye, oba ndogoyi ye mu kitabo n'agitwala kunhwa?

Luka 17:14

Yesu bwe yababona yaabakoba ati: “Muje mweyandhule ye bakabona.” Era bwe baali baja baalongooka.

Luka 6:10

Yaabeezunguluza amaiso boonaboona, yaakoba omusaadha ati: “Funhulula omukono gwo.” Yaagufunhulula era gwawona.

Yoanne 9:7

Yaamukoba ati: “Ja onaabe mu maiso mu kidiba ky'e Siloamu.” (Eriina eryo litegeeza, “atumiibwa?”) Kale yaaja, yaanaaba, yaira ng'abona.

Ab'e Roma 11:25

Aboluganda, nhenda mumanhe ekyama kino mulobe kwesuuta kuba bagezi, kuba abandi ku Baisiraeli baidha kusigala nga bakalangafu ba myoyo okutuusa omughendo ogw'abamaghanga agandi lwe gulimala okwidha ye Katonda.

2 Ab'e Korintho 3:14

Aye emyoyo gyaibwe gyakalanguka, kuba n'okutuukiza irala buti, bwe basoma endagaano enkaire, ekitambaala kyene ekyo kikaabaghembereire. Kurisito yenka n'asobola okutoolagho ekitambaala ekyo.

Ab'Efeso 4:18

Emyoyo gyaibwe giidhwire nzikiiza. Bazira mugabo mu bya bulamu Katonda bw'agaba, kuba baidhwire obutamanha, era emyoyo gyaibwe mikalangafu.

Ab'Efeso 4:26

Bwe musungughala, obusungu butabasindikanga mu kwona. Mutagwisanga ndhuba nga mukaasibye obusungu ku mwoyo,

Ab'Efeso 4:30

Era mutanakughazanga Mwoyo Mutukuvu wa Katonda, kuba Mwoyo n'akamanhiso ke mwateebwaku okutuuka ku lunaku olw'okununulibwa.

Abaheburayi 3:10

Mbeeni n'okusungughalira abantu abo, naakoba nti, ‘Buli kaseera emyoyo gyaibwe gidaaliimira luuyi, tibawulira biragiro byange.’

Abaheburayi 3:17

Era ni baani Katonda be yasungughalira okumala emyaka amakumi ana (40)? Ti n'abo abaayona, ni bafa era emirambo gyaibwe ni gisigala mu irungu?

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

Okwolekebwa 6:16

Baakoba ensozi n'agabaale bati: “Mutugweku mutugise, oyo atyaime ku kityamo eky'obwakyabazinga alobe kutubona. Mutuwonie obusungu obw'Entaama Ento,

Abalamuzi 10:16

Kale baasuula ere bakatonda b'abamaghanga agandi, baasinza Musengwa Katonda. Musengwa Katonda oyo yaawulira enaku ku mwoyo olw'okudaazibwadaazibwa kwa Isiraeli.

1 Samueli 20:34

Kale Yonathani yaasituka ku kiiwulo mu busungu obubitirivu, era yaaloba kulya ku mere naire, ku lunaku olwo olwiririra lule olw'Ekibinuko eky'Okuboneka kw'Omwezi kuba yanakughala inho olwa lata we Saulo okughemukira Daudi.