Mariko 2:7 - Baibuli Ekibono kya Katonda 2014

⁷ “Ono lwaki ayogera atyo? Avuma Katonda! Ani aghanga okusonigha ebibi okutoolaku Katonda yenka!”

Mariko 2:7 ပူးပေါင်းရင်းမြစ်များ

Yobu 14:4

Naani aghanga okufuula ekintu ekitali kirongoofu, ni kiba ekirongoofu? Ghazira naire omulala ati.

Zabbuli 130:4

Aye iwe otusonigha, tusobole okukugha ekitiisa.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Danieli 9:9

Aye iwe Musengwa Katonda waife osaasira era waasonigha, waire nga twakudheemera.

Mika 7:18

Ezirayo katonda ali ng'oti niiwe, Musengwa Katonda. Osonigha ebibi eby'abantu bo abawoniegho. Tosungughala bujiiririire, aye osangaala okutwoleka okugonza kwo okutakoma.

Matayo 26:65

Agho Omukulu wa Bakabona yaakendebula ebivaalo bye, era yaakoba ati: “Avumye Katonda! Tukaayenderaki abadhulizi? Mumaze okuwulira bw'avuma Katonda!

Matayo 9:3

Agho, abandi ku Banamateeka, mule munda baakoba bati: “Ono avuma Katonda!”

Mariko 14:64

Muwulire bw'avuma Katonda, imwe ekyo mukibona mutya?” Agho boonaboona baagumusalira bati agwaine afe.

Mariko 2:6

Aye agho ghaali ghatyaimegho abandi ku Banamateeka, nga bali kwebuuza mule munda bati:

Mariko 2:8

Mangu ago nga Yesu mule munda amaze okutegeera bye balowooza, yaabakoba ati: “Lwaki mulowooza mutyo mu myoyo gyaimwe?

Luka 5:21

Abanamateeka n'Abafarisaayo baatoolera okwebuuza nga bakoba bati: “Ono naani ayogera ebivuma Katonda? Naani aghanga okusonigha ebibi okutoolaku Katonda yenka?”

Luka 7:49

Be yali nabo ku kiiwulo baatoolera okwebuuza mule bati: “Naani ono asobola n'okusonigha ebibi?”

Yoanne 10:33

Baamwiramu bati: “Tituli kwenda kukukuba mabaale lwa birungi by'okola, aye lwa kuvuma Katonda! Iwe oli muntu aye weefuula Katonda!”

Yoanne 10:36

memale mukoba mutya nze Lata ye yatukuza n'antuma mu nsi muti nvumye Katonda kuba nkobye nti ndi Mwana wa Katonda?