Mariko 2:27 - Baibuli Ekibono kya Katonda 2014

²⁷ Yesu n'okukoba ati: “Sabbato yateebwagho lwa bulungi bwa muntu aye ti omuntu ku lw'obulungi bwa Sabbato.

Mariko 2:27 ပူးပေါင်းရင်းမြစ်များ

Okuvaayo 23:12

“Oli n'enaku mukaaga dh'oghanga okukoleramu emirimo gyo, aye olwomusanvu oidhanga kuwuumula. Olwo ente dho n'endogoyi dho dhighange okuwuumula, era abairu bo, n'abamaghanga agandi abakukolera bawuumule bairemu amaani.

Isaia 58:13

Musengwa Katonda akoba ati: “Bwe munaakuumanga Sabbato ni mutagikoleraku byaimwe bye mwenda, aye n'eba olunaku lwange olutukuvu, lwe mutaamu ekitiisa ni mutalutambuliraku ngendo, waire okulukoleraku emirimo, oba okulwogereraku ebitasaana,

Ezekieli 20:12

Era naabateeragho n'olunaku lwa Sabbato ng'akamanhiso ghagati ghange ni beene, okubaidhukizanga nti nze Musengwa Katonda mwene, ninze mbatukuza.

Ezekieli 20:20

Mukuzenga olunaku lwa Sabbato nga lutukuvu, lubenga akamanhiso ak'endagaano nze ye nakola n'imwe, era lubaidhukizenga nga nze Musengwa Katonda mwene, ninze Katonda waimwe.

Mariko 2:28

Kyova ni, Sabbato eri mu buyinza bw'Omwana w'Omuntu.”

Luka 6:9

Yesu yaabakoba ati: “Leka mbabuuze: Kiikirizibwa ku Sabbato okukola obulungi oba okukola obubi? Okuwonia obulamu oba okubuzikiriza?”

Yoanne 7:23

Oba nga omuntu aghanga okukeketebwa ku lwa Sabbato obutamenha Mateeka ga Musa, lwaki nze muunhiigira olw'okuwonia omuntu ku lwa Sabbato?

2 Ab'e Korintho 4:15

Bino byonabyona birigho ku lwaimwe, olwo ekisa kya Katonda ye kinaakoma okweyongera okutuuka ku bantu, n'abamusiima ye banaakoma okweyongeraku. Olwo Katonda agheebwe ekitiisa.

Amateeka Agokubiri 5:12

“ ‘Mukuumenga olunaku lwa Sabbato nga lwange, nga nze Musengwa Katonda waimwe bwe nabalagira.

Amateeka Agokubiri 5:14

Aye olunaku olwomusanvu, lwa Sabbato yange nze Musengwa Katonda waimwe. Olwo mutalukolerangaku mulimo gwonagwona waire imwe beene, waire batabane baimwe, waire baghala baimwe, waire abairu baimwe abasaadha oba abakazi, waire ensolo dhaimwe, waire abasenze be musuza. Olwo abairu baimwe abasaadha n'abakazi, boona baghange okuwuumulanga ng'oti niimwe.

Ab'e Kolosai 2:16

Kale ole atabasaliranga musango olw'ekyo kye mulya oba kye munhwa, oba ku lw'ebyo ebigema ku bibinuko eby'eby'ensinza, oba eby'Okuboneka kw'Omwezi, oba Sabbato.