Mariko 2:2 - Baibuli Ekibono kya Katonda 2014

² Abantu kamaala beesoloza baidhula ni ku mulyango era Yesu ng'abakobera ekibono.

Mariko 2:2 ပူးပေါင်းရင်းမြစ်များ

Zabbuli 40:9

Naja mu bantu bo abeesoloiza okukusinza, naabakobera amawulire amalungi ag'okulokolwa. Wo Musengwa Katonda, nga bw'oidhi tija kulekera kugalangirira.

Matayo 5:2

Yaabeegeresa ng'akoba ati:

Mariko 1:14

Agho Yoanne ng'amaze okugemwa, Yesu yaaja e Galilaaya yaalangirira Amawulire Amalungi agava ewa Katonda.

Mariko 1:33

Abantu ab'omu kibuga boonaboona beesololeza agho ku mulyango.

Mariko 1:37

Era bwe baamuzuula baamukoba bati: “Abantu boonaboona bali kukwagala.”

Mariko 1:45

Aye, ono olwafuluma ng'atoolera kukobera buli ye yayagaananga, era atyo yaasansaania amawulire woonawoona. Era okuva ku olwo nga Yesu takaaghanga kungira mu kibuga mu lwatu, aye yaasigalira kubanga mu bifo eby'embali ezira bantu. Eyo, abantu okuva buli ghantu ye baamwagaananga.

Mariko 2:1

Nga ghabiseegho enaku, Yesu yangira mu Kaperinaumu, era kyawulikika ng'aize eka.

Mariko 2:13

Agho Yesu kabiri yaaja ku nhandha, n'eikuukuubira ery'abantu lyonalyona lyaidha y'ali, era yaabeegeresa.

Mariko 6:34

Yesu bwe yali atuuka ku bukalu ati yaabona eikuukuubira ery'abantu, yaabasaasira, kuba baali oti n'entaama edhiziraku mwayi. Agho yaatoolera okubeegeresa ebintu kamaala.

Luka 12:1

Mu kiseera ekyo abantu baali nga beesoloiza kamaala inho era nga bali na kuniinaganaku. Agho Yesu yaasookera ku Beegeresebwa be yaakoba ati: “Mweghale ekizimbulukusa eky'Abafarisaayo nkoba obuguya bwaibwe.

Luka 5:17

Lwali lulala, Yesu yali ayegeresa, era ng'ali n'amaani ga Musengwa ag'okuwonia. Abafarisaayo n'Abanamateeka abaali baviire mu buli kyalo: abaava e Galilaaya, mu Buyudaaya, ni mu Yerusalemu nga batyaime agho.

Luka 8:1

Olwatuuka, nga ghabiseegho entangama, Yesu yaaja ng'abita mu bibuga ni mu byalo bw'alangirira era bw'akobera abantu Amawulire Amalungi ag'Obwakyabazinga bwa Katonda, nga n'Eikumi n'Ababiri bali naye.

Luka 8:11

“Mperaano olufumo lutegeeza kino: Ensigo, n'ekibono kya Katonda.

Ebikolwa by'Abatume 11:19

Mperaano abo abaasansaana olw'okukirigibwa okwaligho, Sitefano mwe yaitirwa, baatambula baatuuka mu Foenikia ni mu Kupuro ni mu Antiokia. Tibaakobera muntu yeenayeena kibono kya Katonda okutoolaku Abayudaaya bonka.

Ebikolwa by'Abatume 14:25

Nga bamaze okukobera ab'e Peruga ekibono kya Katonda baikirira mu Attalia.

Ebikolwa by'Abatume 16:6

Baabita mu kiketezo eky'e Furugia ni Galatia, Mwoyo Mutukuvu ng'abalobera okukobera abantu ekibono kya Katonda mu Asia.

Ebikolwa by'Abatume 8:25

Bwe baamala okukakasa n'okukobera abantu ekibono kya Musengwa, bairayo e Yerusalemu, nga baja bakobera abantu ab'omu byalo kamaala eby'e Samaria Amawulire Amalungi.

Ab'e Roma 10:8

Aye ebyaghandiikibwa bikoba biti: “Ekibono kya Katonda kiri kumpi n'iwe, mu kanwa mwo ni mu mwoyo gwo.” Kino n'ekibono eky'okwikiriza kye tubakobera.

2 Timotheo 4:2

Koberanga abantu ekibono, badeebe oba bakisiima oba tibakisiima, bainhonhole, obanenie era obagumye, obeegerese n'obuguminkiriza.