Mariko 2:1 - Baibuli Ekibono kya Katonda 2014

¹ Nga ghabiseegho enaku, Yesu yangira mu Kaperinaumu, era kyawulikika ng'aize eka.

Mariko 2:1 ပူးပေါင်းရင်းမြစ်များ

Matayo 4:13

Yaava e Nazarethi, yaaja yaaba e Kaperinaumu eky'oku nhandha, mu biketezo eby'e Zebuluni ni Nafutali

Matayo 9:1

Agho Yesu yaaniina mu lyato, yaasomoka yaatuuka mu kibuga eky'ewaibwe.

Mariko 1:45

Aye, ono olwafuluma ng'atoolera kukobera buli ye yayagaananga, era atyo yaasansaania amawulire woonawoona. Era okuva ku olwo nga Yesu takaaghanga kungira mu kibuga mu lwatu, aye yaasigalira kubanga mu bifo eby'embali ezira bantu. Eyo, abantu okuva buli ghantu ye baamwagaananga.

Mariko 2:2

Abantu kamaala beesoloza baidhula ni ku mulyango era Yesu ng'abakobera ekibono.

Mariko 3:20

Agho yaira eka, abantu kamaala kabiri beesoloza, Yesu n'Abeegeresebwa be nga tibakaaghanga waire kukomba ku kamere.

Mariko 7:17

Bwe yangira mu ndhu ng'aviire mu bantu, Abeegeresebwa be baamubuuza ku lufumo lwe.

Mariko 7:24

Olwava agho yaasituka yaaja mu biketezo eby'e Tiro ni Sidoni, yangira mu ndhu nga tayenda ghabeegho amanha, aye tiyasobola kwegisa.

Mariko 9:28

Yesu bwe yangira mu ndhu Abeegeresebwa be baamubuuza mu kyama bati: “Lwaki ife titughanze kugubinga?”

Luka 4:23

Yesu yaabakoba ati: “Nkakasa nga mwidha kunkoba ng'olugero luno bwe lukoba luti, ‘Omuyigha, weeyighe mwene,’ era muti, ‘Ebyo bye twawuliranga bye wakolera e Kaperinaumu, bikolereku ni ghano ku kyalo eky'ewaimwe woona.’ ”

Luka 5:18

Ghaidhagho abasaadha nga basitwire omuntu ku ndiri, nga yagogoma. Baayenda bamusitule bamungize bamumute mu maiso.

Yoanne 4:47

Bwe yawulira nga Yesu aviire mu Buyudaaya yaidha mu Galilaaya, yaaja y'ali, yaamweghemba aikirire e Kaperinaumu, awonie mutabane we eyali ng'ali kumpi na kufa.

Ebikolwa by'Abatume 2:6

Kale ni okuwuuma okwo bwe kwabaagho, eikuukuubira lyesoloza era batabulwa inho, kuba buli mulala yabawulira nga boogera mu lulimi lwe lwene.