Mariko 16:19 - Baibuli Ekibono kya Katonda 2014

¹⁹ Musengwa Yesu bwe yamala okwogera nabo, yaatwalibwa mu igulu, y'atyaime ku mukono omusaadha ogwa Katonda.

Mariko 16:19 ပူးပေါင်းရင်းမြစ်များ

Zabbuli 110:1

Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

Mariko 16:20

Ate Abeegeresebwa baaja baayegeresa buli ghantu Musengwa ng'ali nabo. Ebibono byaibwe ng'abikakasa n'ebyewuunhio bye yabakozanga.] [Mangu ago baakobera Petero ni be yali nabo, byonabyona malaika bye yabalagira. Era ebyo olwawa, Yesu mwene yaabatuma okuja okulangirira Amawulire Amatukuvu agatawaagho ag'obulokozi woonawoona okuva e buvandhuba okutuuka e bugwandhuba.]

Luka 22:69

Aye okuva ni mperaano Omwana w'Omuntu aidha kuba ng'atyaime ku mukono omusaadha ogw'amaani ogwa Katonda.”

Luka 9:51

Agho enaku dha Yesu edh'okutwalibwa mu igulu bwe dhaatuuka, Yesu yaamalirira okuja e Yerusalemu.

Yoanne 13:1

Mperaano Ekibinuko eky'Okubitizibwa kyali kiri kumpi okutuuka. Yesu yamanha ng'esaawa ye ey'okuva mu nsi okwirayo ye Ise yoona yali etuuse. Bwe yagonza ababe abaali mu nsi yabagonza okutuukiza irala ku nkomerero.

Yoanne 16:28

Nava ewa Lata naidha mu nsi kabiri ndi kuva mu nsi nja ye Lata.”

Yoanne 17:13

Mperaano ndi kwidha y'oli era bino mbyogeire mu nsi babe n'eisanhu lyange mu myoyo gyaibwe, mu bwidhuvu.

Yoanne 20:17

Yesu yaamukoba ati: “Otangemaku, kuba nkaali kwirayo ye Lata aye ja ye baganda bange obakobere oti ndi kwirayo ye Lata wange era Lata waibwe, Katonda wange era Katonda waibwe.”

Yoanne 21:15

Bwe baamala okulya, Yesu yaakoba Simoni Petero ati: “Simoni mutabane wa Yoanne, ongonza okusinga bano?” Petero yaamwiramu ati: “Yii, Musengwa oidhi nga bwe nkugonza.” Yesu yaamukoba ati: “Liisanga entaama dhange ento.”

Yoanne 21:22

Yesu yaamwiramu ati: “Bwe nhenda abeegho okutuusa lwe ndiidha, ofaayo ki? Iwe nnonereza.”

Yoanne 6:62

Memale nguli mubona Omwana w'Omuntu ng'aniinaniina eyo mu kifo ye yabanga?

Ebikolwa by'Abatume 1:22

okuviira irala ku kubatizibwa kwa Yoanne okutuuka ku lunaku lwe yatutoolebwaku ng'atwalibwa mu igulu, tufunemu mulala abe n'ife mu kudhulira okuzuukira kwe.”

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.

Ebikolwa by'Abatume 3:21

Waire nga kimugwaniire oyo buti okuba ng'akaali mu igulu okutuusa ekiseera eky'okwiza byonabyona obuyaaka nga Katonda bwe yayogerera mu balanzi be abatuukirivu okuviira irala mu mainhama.

Ab'e Roma 8:34

Ghazira aghanga kubasingisa musango, kuba Kurisito Yesu mwene eyafa ate n'azuukira, era atyaime ku mukono omusaadha ogwa Katonda n'atwogererayo.

Ab'e Kolosai 3:1

Oba nga mwazuukizibwa ni Kurisito mudhuube ku bintu ebiri mu igulu, Kurisito y'atyaime ku luuyi lw'omukono omusaadha ogwa Katonda.

1 Timotheo 3:16

Bwenebwene ekyama eky'endhikiriza yaife kikologho: “Yaboneka nga muntu mwene, yaakakasibwa Mwoyo, yabonebwa bamalaika. Yaalangirirwa mu maghanga, yaikirizibwa mu nsi yoonayoona, era yaatwalibwa mu igulu mu kitiisa.”

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Abaheburayi 4:14

Kale nga bwe tuli n'Omukulu wa Bakabona omukologho atyo, Yesu Omwana wa Katonda, eyajiira irala ye Katonda, tukalangukire ku kwikiriza kwaife kwe twatula.

Abaheburayi 6:20

Ku lwaife, Yesu n'eyatusooka okwingirayo era yaafuuka Omukulu wa Bakabona ow'ebyanda n'ebyanda ng'oti ni Melekizedeki bwe yali.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

Abaheburayi 8:1

Ekisinga obukulu mu bye tuli kwogera ni kino nti, tuli n'Omukulu wa Bakabona ali ng'oti n'oyo, atyaime ku luuyi olw'omukono omusaadha olw'ekityamo kya Katonda mwene bukumu mu igulu

Abaheburayi 9:24

Kurisito tiyangira mu kifo kitukuvu ekyakolebwa abantu, ekifaananaku obufaanane ni kire kyene, aye yangira mu igulu lyene, y'ali mperaano mu maiso ga Katonda ku lwaife.

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.