Mariko 16:16 - Baibuli Ekibono kya Katonda 2014

¹⁶ Oyo aikiriza era n'abatizibwa alirokolebwa aye ataikiriza omusango gulimusinga.

Mariko 16:16 ပူးပေါင်းရင်းမြစ်များ

Matayo 28:19

Kale ni muje mu maghanga goonagoona, abantu mubafuule beegeresebwa, nga mubabatiza mu liina lya Lata n'erya Mwana, n'erya Mwoyo Mutukuvu

Mariko 1:15

Era ng'akoba ati: “Obwire butuuse, Obwakyabazinga bwa Katonda buseese, mwenenie era mwikirize Amawulire Amalungi.”

Luka 8:12

Eyagwa ku ngira, n'abantu abawulira ekibono kya Katonda, memale Sitaani n'aidha n'akiswankula mu myoyo gyaibwe balobe kwikiriza na kulokolebwa.

Yoanne 20:31

Aye bino byaghandiikibwa ku lwaimwe, mwikirize nga Yesu ni Kurisito, Omwana wa Katonda, era olw'okwikiriza okwo, mufune obulamu mu liina lye.

Yoanne 3:36

Oyo aikiriza Mwana ali n'obulamu obutawaagho aye aloba okwikiriza Mwana taja kufuna bulamu, era aja kusigala ng'abonerezebwa Katonda.

Yoanne 3:5

Yesu yaamwiramu ati: “Bwenebwene ka nkukobere, okutoolaku ng'omuntu azaaliibwa amaadhi ni Mwoyo, taghanga kwingira mu Bwakyabazinga bwa Katonda.

Yoanne 5:24

“Bwenebwene mbakobera nti: Kiisi awulira kibono kyange n'aikiriza oyo eyantuma, ali n'obulamu obutawaagho era taja kusalirwa musango, aba amaze okusomoka okuva mu kufa okungira mu bulamu.

Yoanne 6:29

Yesu yaabairamu ati: “Katonda ky'ayenda mukole n'okwikiriza oyo ye yatuma.”

Yoanne 6:35

Yaabakoba ati: “Ninze omugaati ogugha obulamu, aidha ye ndi endhala terimuluma, era oyo andhikiriza taliwulira ndiwo.

Yoanne 6:40

Lata wange ky'ayenda ni kino: buli abona Omwana era n'amwikiriza afune obulamu obutawaagho era mmuzuukize ku lunaku olusembayo.”

Yoanne 8:24

Kye nava ni mbakoba nti mulifiira mu bibi byaimwe kuba bwe mutaikiriza muti ninze, muja kufiira mu bibi byaimwe.”

Ebikolwa by'Abatume 10:43

Oyo abalanzi boonaboona ye boogeraku nga bakoba bati, ‘Kiisi amwikiriza asoniyibwa ebibi olw'amaani ag'eriina lye.’ ”

Ebikolwa by'Abatume 13:39

Mu oyo, omuntu yeenayeena aikiriza atukuzibwa.

Ebikolwa by'Abatume 13:46

Aye Paulo ni Barunaba, baayogera nga bagumu, baakoba bati: “Kibaire kigwaine okusooka okukobera imwe ekibono kya Katonda. Aye nga bwe mukirobye era ni mwesaliragho beene nga bwe mutagwaine kufuna bulamu obutawaagho, kale twidha kubaleka tuje y'abamaghanga agandi

Ebikolwa by'Abatume 2:38

Petero yaabakoba ati: “Mwenenie, buli muntu abatizibwe mu liina lya Yesu Kurisito, ebibi byaimwe bisoniyibwe, era mwidha kufuna ekirabo kya Mwoyo Mutukuvu

Ebikolwa by'Abatume 2:41

Abo abaasangaalira ebibono bye, baabatizibwa, era ku lunaku olwo, ku baikiriza kweyongeraku abantu ng'enkumi isatu.

Ebikolwa by'Abatume 22:16

Kale mperaano olinda ki? Situka obatizibwe onaazibweku ebibi byo ng'osinza Katonda.’

Ab'e Roma 3:6

Busa, ti bwekiri kuba Katonda bw'ataba wa mazima aghanga atya okusalira ensi omusango?

Ab'e Roma 4:24

aye era ni ku lwaife abaikiriza mu oyo eyazuukiza Yesu Musengwa waife, tulibalibwa okuba abatuukirivu.

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

2 Ab'e Thessalonika 2:12

Ekirivaamu n'abo boonaboona abaaloba okwikiriza amazima ni basangaalira ekibi, okusalirwa omusango okubasinga.

1 Petero 1:21

Mu oyo mwe mubita okwikiriza Katonda eyamuzuukiza okuva mu bafu, naamugha ekitiisa, olwo okwikiriza kwaimwe n'okusuubira byaba nga biri mu Katonda.

1 Petero 3:21

Amaadhi ago gafaanana n'okubatizibwa okubalokola buti. Okubatizibwa okwo, ti n'okunaazaaku eiko ku mubiri, aye n'okweghemba Katonda atughe omwoyo omunaabuufu olw'okuzuukira kwa Yesu Kurisito.

Okwolekebwa 20:15

Era kiisi muntu eyayagaanibwa ng'eriina lye tiryaghandiikibwa mu kitabo kya bulamu, yaasuulibwa mu nhandha ey'omuliro.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”