Mariko 16:14 - Baibuli Ekibono kya Katonda 2014

¹⁴ Olwasembayo yaabonekera eikumi n'omulala nga batyaime balya, yaabanenia olw'obutaikiriza abo abaamubona ng'azuukiire.

Mariko 16:14 ပူးပေါင်းရင်းမြစ်များ

Okubala 14:11

Era Musengwa Katonda yaakoba Musa ati: “Abantu bano balituusa li okuunhooma? Era balituusa li obutaneesiga, waire nga nkoze obumanhiso kamaala nga babona.

Matayo 11:20

Agho Yesu yaatoolera okuvumirira ebibuga mwe yali akoleire ebyewuunhio kamaala, ni biroba okwenenia.

Matayo 17:20

Yaabakoba ati: “Kuba muli n'okwikiriza kutono. Bwenebwene ka mbakobere: bwe muba n'okwikiriza okwaga akamuuma ka kaladaali, mulikoba olusozi luno muti, ‘Va ghano, ja ghale,’ lwaja, era ghazira kye mutalighanga kukola. [

Matayo 28:17

Bwe baamubona, baamusinza aye abandi tibaakakasa.

Mariko 7:18

Aye yaabakoba ati: “Mwena obwo timutegeire? Timubona nga buli kintu ekiva ku luya okungira mu muntu tikighanga kumwonoona?

Luka 24:11

Aye ebibono ebyo byabawulikanira ng'oti bya kudhondha era baaloba kubiikiriza.

Luka 24:25

Agho yaabakoba ati: “Ye bano abasirusiru, ab'emyoyo egirwa okwikiriza abalanzi bye boogera!

Yoanne 20:25

Kale baine baamukobera bati: “Tuboine Musengwa.” Aye yaabairamu ati: “Okutoolaku nga mboine ku nkovu mu bwala bwe mwe baafumita emisumaali, era ni ntaaku olwala lwange mu nkovu omwo, era ni ntaaku omukono gwange mu mbavu dhe, tighanga era tija kwikiriza naire.”

Yoanne 20:26

Bwe ghaabitagho enaku omunaana, kabiri Abeegeresebwa be baali mu ndhu nga ni Thomasi ali nabo era nga n'endhigi ndhigale. Agho Yesu yaidha yaabeemereramu ghagati, yaakoba ati: “Emiraala gibe n'imwe.”

Yoanne 20:27

Agho yaakoba Thomasi ati: “Ta ghano olwala lwo, era obone engalo dhange ogemeku ghano, era leeta omukono gwo ogute mu mbavu dhange. Leka kuba ataikiriza, aye ikiriza.”

Yoanne 21:1

Ebyo bwe byawa Yesu yaabonekera kabiri Abeegeresebwa be ku nhandha ey'e Tiberia. Biti bwe byali:

Yoanne 21:14

Guno n'ogwali omukuzi ogwokusatu Yesu okubonekera Abeegeresebwa be ng'amaze okuzuukira mu bafu.

Ebikolwa by'Abatume 1:3

Abo era be yabonekera mu ngeri kamaala okukakasa nga mulamu, ng'amaze okudaazibwadaazibwa. Yamala enaku amakumi ana (40) nga bamubona era yaabakobera ebigema ku Bwakyabazinga bwa Katonda.

1 Ab'e Korintho 15:5

Era yaabonekera Kefasi, kabiri yaabonekera Abatume eikumi n'ababiri.

Okwolekebwa 3:19

“Nze abo be ngonza mbanenia era mbakangaivula. Kale fuba weenenie.