Mariko 15:5 - Baibuli Ekibono kya Katonda 2014

⁵ Aye Yesu tiyamwiramu kibono, era Pilato yeewuunhia!

Mariko 15:5 ပူးပေါင်းရင်းမြစ်များ

Zabbuli 71:7

Mbairenga kya kuboneraku eri abantu kamaala, olw'okuba iwe oli mukuumi wange ow'amaani.

Isaia 53:7

Baamudaazadaaza era baamukiriga, aye yaaba mugonvu yaakigumira, yaaloba waire okubumbula omunwa. Yaaba ng'oti n'entaama ye batwala okwita, era ng'oti n'entaama ye basalaku ebiviiri, n'etaliraku naire. Tiyabumbula munwa naire.

Isaia 8:18

Bona eno, Musengwa Katonda oyo Afuga Amagye era atyama ku kityamo kye ku lusozi Sioni, yatutaagho nze n'abaana bange tube obumanhiso n'ebyamagero mu Isiraeli.

Zekaria 3:8

Kale ni, iwe Yoshua Omukulu wa Bakabona ghalala ni bakabona baino, muwulire kino: Niimwe akamanhiso ak'ebiseera ebirungi eyo ye bwidha. Era nja kubooleka omugheereza wange ayetebwa Olusaga!

Matayo 27:12

Aye Bakabona Abakulu n'abakulu ab'ebika bwe baamuseegha azira kye yairamu.

Matayo 27:14

Yaaloba kumwiramu waire kibono kirala, era omufuzi oyo yeewuunhia ekibitiriire.

Mariko 15:4

Pilato kabiri yaamubuuza, yaakoba ati: “Ozira ky'oiramu? Bona, emisango emeka gye bakughaghabiire!”

Luka 23:9

Kale yaamubuuza ebibuuzo kamaala inho aye yaaloba kwiramu.

Yoanne 19:9

Era yangira kabiri mu kisaagaati yaabuuza Yesu ati: “Oli wa gha?” Aye Yesu yaaloba okumwiramu.

1 Ab'e Korintho 4:9

Kimbonekera oti ife Abatume Katonda atughaire ekifo ekisembayo, okufaanana ng'oti n'abantu abasaliirwa ogw'okufa kuba tufuuse ekyerolerwa eri ensi, eri bamalaika era n'eri abantu.