Mariko 15:40 - Baibuli Ekibono kya Katonda 2014

⁴⁰ Agho era ghaaligho n'abakazi abaali bali kumulengera nga baliku ghala; mu abo mwalimu Maria Magadalene, ni Maria mukaire wa Yakobo omuto, ni Yose, ni Salome.

Mariko 15:40 ပူးပေါင်းရင်းမြစ်များ

Zabbuli 38:11

Bakagwa bange be nabitanga nabo buti tibenda na kuseeta ye ndi olw'obulwaire obwantuukaku, n'abekika kyange beene buti baba bw'ere.

Matayo 10:3

Filipo ni Barutholomayo, Thomasi ni Matayo omughooza, Yakobo mutabane wa Alufaayo ni Thaddaayo,

Matayo 13:55

Ono ti n'omwana ow'omubaadhi? Inhina ti ni Maria? Ni baganda be ti ni Yakobo, ni Yosefu, ni Simoni, ni Yuda?

Matayo 27:61

Maria Magadalene ni Maria ole owundi baali agho nga batyaime nga balingiriire amagombe.

Matayo 28:1

Olwa Sabbato bwe lwabita memale mu nkyonkyo ku lunaku olusooka ku Sabbato, Maria Magadalene ni Maria ole owundi baaja okuluutaku y'amagombe.

Mariko 15:47

Era Maria Magadalene ni Maria inhina wa Yose, beekalirisa ghe yateebwa.

Mariko 16:1

Olwa Sabbato bwe lwabita, Maria Magadalene ni Maria inhina wa Yakobo ni Salome, baagula obuwoowo baje basiige ku mulambo gwa Yesu.

Mariko 16:9

Yesu bwe yazuukira mu nkyo, ku lunaku olwo olusooka ku Sabbato, yasooka okubonekera Maria Magadalene, ye yabingaku emizimu omusanvu.

Luka 19:3

Yayenda okubona Yesu aye tiyaghanga olw'eikuukuubira ery'abantu ate nga yali musaadha mumpi.

Luka 23:49

Boonaboona be yali aidhigaine nabo nga n'omuli n'abakazi abaatambula naye okuva e Galilaaya, baayemerera ghalaku baalingirira ebintu bino.

1 Ab'e Korintho 9:5

Titugwanira kukola ng'Abatume abandi, era nga baganda ba Musengwa, era nga Petero, abatambula ni bakazi baibwe?

Ab'e Galatia 1:19

Aye ghazira ku batume bandi ye nabonaku okutoolaku Yakobo muganda wa Musengwa.

Yakobo 1:1

Ninze Yakobo omugheereza wa Katonda, era owa Musengwa Yesu Kurisito. Mpandiikira ebika eikumi n'ebibiri ebisansaaniire woonawoona. Mbalamwisa inho.