Mariko 15:3 - Baibuli Ekibono kya Katonda 2014

³ Era Bakabona Abakulu baamughaghabira emisango kamaala.

Mariko 15:3 ပူးပေါင်းရင်းမြစ်များ

Zabbuli 38:14

Bwenebwene mba ng'oti n'omuntu atawulira era azira kya kwiramu.

Isaia 53:7

Baamudaazadaaza era baamukiriga, aye yaaba mugonvu yaakigumira, yaaloba waire okubumbula omunwa. Yaaba ng'oti n'entaama ye batwala okwita, era ng'oti n'entaama ye basalaku ebiviiri, n'etaliraku naire. Tiyabumbula munwa naire.

Matayo 27:12

Aye Bakabona Abakulu n'abakulu ab'ebika bwe baamuseegha azira kye yairamu.

Mariko 15:2

Agho Pilato yaamubuuza ati: “Niiwe kyabazinga ow'Abayudaaya?” Yesu yaamwiramu ati: “Niiwe okyogeire.”

Mariko 15:4

Pilato kabiri yaamubuuza, yaakoba ati: “Ozira ky'oiramu? Bona, emisango emeka gye bakughaghabiire!”

Mariko 15:5

Aye Yesu tiyamwiramu kibono, era Pilato yeewuunhia!

Yoanne 19:12

Pilato bwe yawulira ekyo yaagezaaku okusala amagezi amulekule. Aye Abayudaaya baayongera okwasiikana bati: “Bw'olekula omusaadha oyo nga toli mukagwa wa Kaisari. Yeenayeena eyeefuula kyabazinga atakania Kaisari.”