Mariko 15:29 - Baibuli Ekibono kya Katonda 2014

²⁹ Ababise baamuvuma, baatengeesa emitwe gyaibwe nga bakoba bati: “Ha! Iwe amenha eisinzizo era waalizimba mu nnaku isatu!

Mariko 15:29 ပူးပေါင်းရင်းမြစ်များ

Zabbuli 109:25

Abazigu bange bansekerera, baatengeesa n'emitwe nga bandhogeraku.

Zabbuli 69:26

Kuba baja baakiriga abo b'obonereiza; baayongera obulumi ku abo b'ofumiite.

Zabbuli 69:7

Ku lulwo abantu banvuma, era tikaayala na mu bantu.

Okulira 1:12

“Imwe mwenamwena abali kubitagho muuningirire, mubone. Ghazira kye mwegamu? Mubonangaku obughafu ng'oti n'obwange bwe ndimu? Musengwa Katonda n'eyansuula mu bughafu buno ng'asungughaire ekibitiriire.

Okulira 2:15

Abantu boonaboona ababita ku kibuga ekyo, bakiziimuula era baakisekerera. Beesiimooza, baatengeesa emitwe nga bavuma ekibuga ekyo Yerusalemu, nga beebuuza bati: “Kino bwene n'ekibuga kye baayetanga ekituukiriire mu bulungi era ekyeyagazanga abantu ab'ensi yoonayoona?”

Matayo 26:61

baakoba bati: “Ono yakoba ati asobola okumenha eisinzizo lya Katonda ate era mu nnaku isatu yaalizimba.”

Mariko 14:58

“Twamuwulira ng'akoba ati, ‘Ndimenhagho eisinzizo lino eryazimbibwa abantu, ate mu nnaku isatu ndizimba erindi, nga tirizimbibwa bantu.’ ”

Mariko 15:28

Ekighandiiko ekitukuvu kyatuukirira ekikoba kiti: “Yabalirwa mu babi.”]

Mariko 15:30

Weewonie, va ku musalaba oike!”