Mariko 14:72 - Baibuli Ekibono kya Katonda 2014

⁷² Mangu ago enkoko yaakolyoka omukuzi ogwokubiri. Era Petero yaidhukira ekyo Yesu kye yamukoba ati: “Enkoko enaaba ng'ekaali kukolyoka mikuzi ebiri, oidha kuba ng'oneegaine emikuzi esatu.” Agho yaagwa mu maziga yaalira.

Mariko 14:72 ပူးပေါင်းရင်းမြစ်များ

2 Samueli 24:10

Aye Daudi bwe yamala okubala abantu yeeraliikirira mu omwoyo, yaakoba Musengwa Katonda ati: “Wo Musengwa Katonda nhonoine inho olw'ekyo kye nkoze. Era buti nkweghembye ntoolaaku ekibi ekyo nze omugheereza wo, kuba nkoze kya busiru inho.”

Ezekieli 16:63

Era ndikusonigha ebyo byonabyona bye wakola, aye waabiidhukiranga ensoni dhaakugema, nga tosobola kwogera kintu kyonakyona olw'okuswala.” Musengwa Katonda atyo bw'akobye.

Ezekieli 36:31

Agho muliidhukira empisa dhaimwe edhaali embi n'ebikolwa byaimwe ebyali ebibi. Olwo mwekyagha olw'ebibi byaimwe n'olw'ebikolwa ebyenhinhalwa bye mwakola.

Ezekieli 7:16

Aye abaliwonagho balirumukira mu nsozi, baaba ng'oti n'amayemba ag'omu biiko agatiire ni galumukayo. Boonaboona baliba mu kulira maziga, nga buli muntu alira olw'ebibi bye.

Matayo 26:34

Yesu yaamukoba ati: “Bwenebwene ka nkukobere obwire bwaleero bwene, enkoko enaaba ekaali kukolyoka, ng'oneegaaniire emikuzi esatu.”

Mariko 14:30

Yesu yaamukoba ati: “Bwenebwene ka nkukobere, mwene iwe olwaleero obwire, enkoko enaaba ekaali kukolyoka mikuzi ebiri, ng'oneegaine emikuzi esatu.”

Mariko 14:68

Aye Petero yeegaana ng'akoba ati: “Tiidhi era titegeera ky'okoba.” Yaaja ng'afuluma ku luya, era enkoko yaakolyoka.

Mariko 14:71

Agho yaatoolera n'okwefuugha era n'okulayira ati: “Nze tiidhi muntu ono ye muli kukoba.”

Luka 22:60

Aye Petero yairamu ati: “Musaadha iwe, ni by'oyogera tibiidhi!” Mu kaseera keene ako yali akaayogera, enkoko yaakolyoka.

Luka 22:62

Petero yaafuluma yaalira inho.

2 Ab'e Korintho 7:10

kuba okulumwa nga Katonda bw'ayenda, kuvaamu okwenenia omuva okulokolebwa, era tikubaamu kweidhusa. Aye okulumwa okw'ensi kuvaamu kufa.