Mariko 14:61 - Baibuli Ekibono kya Katonda 2014

⁶¹ Aye yaasirika, era azira kye yairamu. Kabiri Omukulu wa Bakabona n'okumubuuza yaamukoba ati: “Niiwe Kurisito Omwana w'oyo Katonda asaakibwa?”

Mariko 14:61 ပူးပေါင်းရင်းမြစ်များ

Zabbuli 119:12

Wo Musengwa Katonda, nkusaaka ndhegeresa okukola by'olagira.

Zabbuli 2:7

Agho kyabazinga yaakoba ati: “Ka mbakobere Musengwa Katonda kye yankoba. Yankoba ati, ‘Iwe oli mwana wange, olwaleero nkuzaire.

Zabbuli 39:9

Ka nsirike, tiidha kwogera kibono kyonakyona, kuba okudaagadaaga kwange kuva y'oli.

Isaia 53:7

Baamudaazadaaza era baamukiriga, aye yaaba mugonvu yaakigumira, yaaloba waire okubumbula omunwa. Yaaba ng'oti n'entaama ye batwala okwita, era ng'oti n'entaama ye basalaku ebiviiri, n'etaliraku naire. Tiyabumbula munwa naire.

Matayo 16:16

Simoni Petero yaamwiramu ati: “Niiwe Kurisito Omwana wa Katonda omulamu.”

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Matayo 8:29

Olwamubona baawowoigana nga bakoba bati: “Otwendeza ki iwe Omwana wa Katonda? Oidhie ghano okutudaazadaaza ng'obwire bukaali kutuuka?”

Mariko 14:60

Agho Omukulu wa Bakabona yaayemerera ghagati yaabuuza Yesu ati: “Ozira ky'oiramu? Kiki bano kye bakulumirizaamu?”

Mariko 15:2

Agho Pilato yaamubuuza ati: “Niiwe kyabazinga ow'Abayudaaya?” Yesu yaamwiramu ati: “Niiwe okyogeire.”

Yoanne 1:34

Ebyo nabibona era nkakasa nti oyo n'Omwana wa Katonda.”

Yoanne 10:24

Abayudaaya baidha beesololeza agho okumwezungulula, baamubuuza bati: “Olikomya li okutuwubania? Tukobere amazima niiwe Kurisito?”

Yoanne 10:36

memale mukoba mutya nze Lata ye yatukuza n'antuma mu nsi muti nvumye Katonda kuba nkobye nti ndi Mwana wa Katonda?

Yoanne 18:37

Pilato yaamukoba ati: “Ekikoba oli kyabazinga?” Yesu yaamwiramu ati: “Okyogeire, ndi kyabazinga. Kino kye nazaalirwa, era ekyandeeta mu nsi ni kino: okumanhisa amazima. Oyo yeenayeena ow'amazima, awulira eiroboozi lyange.”

Yoanne 19:7

Abayudaaya baamwiramu bati: “Ife tuli n'eiteeka era olw'eiteeka eryo agwaine okufa kuba yeefuula okuba Omwana wa Katonda.”

Yoanne 19:9

Era yangira kabiri mu kisaagaati yaabuuza Yesu ati: “Oli wa gha?” Aye Yesu yaaloba okumwiramu.

Ebikolwa by'Abatume 8:32

Ekitundu ky'ebyaghandiikibwa kye yali asoma kikoba kiti: “Yali ng'oti n'entaama ye batwala okwita. Oba ng'oti n'entaama etalira nga bagisalaku ebiviiri; tiyabumbula munwa naire.

1 Timotheo 1:11

Endhegeresa eyo entuufu, n'eyo ejiira ku Mawulire Amalungi era ag'ekitiisa, aga Katonda asaakibwa, agampeebwa okulangirira.

1 Timotheo 6:15

Katonda asaakibwa era afuga byonabyona, Kyabazinga wa bakyabazinga era Musengwa wa basengwa, alyoleka okwidha okwo mu kiseera kyakwo ekituufu.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.