Mariko 14:1 - Baibuli Ekibono kya Katonda 2014

¹ Agho, yali ng'ekaabulayo enaku ibiri okutuuka ku Kibinuko eky'Okubitizibwa n'Ekibinuko eky'Emigaati Egitazimbulukusiibwa, Bakabona Abakulu n'Abanamateeka baanoonia engeri ey'okumugema mu nkukutu bamwite.

Mariko 14:1 ပူးပေါင်းရင်းမြစ်များ

Amainhama 37:18

Baamulengera ng'akaali ghalaku, era bweyali ng'akaali kubatuukaku beeteesa okumwita.

Zabbuli 52:3

Ogonza okukola ebibi okusinga okukola ebikalamu era ogonza okusubagha okusinga okwogera ebituufu.

Zabbuli 62:4

Kye mutegeka kyonka, n'okumusuula ave mu kitiibwa kye; mwenda inho okuguya. Ghano ku munwa mwogera ng'oti mumwendeza nkabi, ate nga munda mule muli kumukolimira.

Zabbuli 62:9

Abantu abayabayaba bali ng'oti muuka gwa mu nhindo; ate abantu abakologho biwooboloolo, boonaboona bw'obata ku minzaani teika, eja bwa ghaigulu; bagheghere okusinga omuuka ogw'omu nhindo.

Okuvaayo 12:1

Musengwa Katonda yaakoba Musa ni Aaroni nga bali mu Misiri ati:

Abalevi 2:6

Ole ali kugheereza ekigheebwayo ekyo anaamegulanga mu migaati egyo ebitundutundu, yaagifukaku omuzigo, yaagighaayo ng'ekyo n'ekigheebwayo eky'emere ey'empeke.

Matayo 12:14

Aye Abafarisaayo olwafuluma nga beekobaana kubona ngeri ya kumuzikirizaamu.

Matayo 6:2

“Kale ni bw'ogabiranga abaavu, otajanga ng'ofuuwa magwala, ng'abakuusa bwe bakola mu sinagoga ni mu nguudo, nga benda abantu babaghe ekitiisa. Bwenebwene mbakobera, nti empeera yaibwe bagifunie.

Mariko 14:12

Ku lunaku olusooka mu dh'emigaati egitazimbulukusiibwa, lwe baitirangaku entaama ento ey'Ekibinuko eky'Okwidhukiriraku Okubitizibwa, Abeegeresebwa be baamukoba bati: “Oyenda tuje tukutegekere gha y'onaaliira Ekibinuko eky'Okubitizibwa?”

Mariko 14:2

Aye baakoba bati: “Tutakikola ku lunaku lukulu, tomanha abantu bwe bataagho keegugungo.”

Yoanne 11:47

Agho Bakabona Abakulu n'Abafarisaayo, beesoloza mu lwekobaano era beebuuzagania bati: “Tukole tutya? Kuba omusaadha ono ali kukola ebyewuunhio kamaala.

Yoanne 13:1

Mperaano Ekibinuko eky'Okubitizibwa kyali kiri kumpi okutuuka. Yesu yamanha ng'esaawa ye ey'okuva mu nsi okwirayo ye Ise yoona yali etuuse. Bwe yagonza ababe abaali mu nsi yabagonza okutuukiza irala ku nkomerero.

Ebikolwa by'Abatume 12:4

Bwe yamala okumugema, yaamuta mu ikomera, yaamugemya ebikunsu bina eby'abaisirukale bana bana bamukuumenga mu ngobo, nga kye yali ayenda n'okumuleeta mu maiso g'abantu nga Ekibinuko eky'Okubitizibwa kiwoire.