Mariko 13:5 - Baibuli Ekibono kya Katonda 2014

⁵ Agho Yesu yainhama okubakoba ati: “Mwekuume ghalobe kubaagho abaghabya.

Mariko 13:5 ပူးပေါင်းရင်းမြစ်များ

Yeremia 29:8

Nze Musengwa Katonda Afuga Amagye, Katonda wa Isiraeli, ndi kubalabula nti mutaganhanga balanzi ababa mu imwe kubaguya, waire omuntu owundi yeenayeena akoba ati asobola okulagula ebiri mu maiso. Mutawulirisanga birooto byaibwe bye beeroosaloosa.

Mariko 13:4

“Tukobere, ebyo biribaagho li, ate era kamanhiso ki akalitumanhisa nga bino byonabyona biri kumpi okutuukirira?”

Mariko 13:6

Abantu kamaala baliidha mu liina lyange nga bakoba bati, ‘Ni nze’, era balighabya abantu kamaala.

Luka 21:8

Yesu yaabairamu ati: “Mwekuume, ti kulwa nga babaghabya kuba ghalibonekagho abantu kamaala abalyeyeta eriina lyange nga bakoba bati, ‘Ninze oyo,’ era bati, ‘Ekiseera kituuse!’ Aye timubanonerezanga.

1 Ab'e Korintho 15:33

Batabasubaghanga: “Emikwano emibi gyonoona empisa enkalamu.”

Ab'Efeso 5:6

Batabaguyanga na bibono biziramu, kuba byene ebyo n'ebireetera obusungu bwa Katonda okwidha ku batamuwulira.

Ab'e Kolosai 2:8

Mubone nga tighabaagho muntu yeenayeena abafuula bairu, ng'akozesa ebidhuubo eby'abagezigezi n'obuguya obuli mu mpisa dh'abantu, ni mu mizimu egitwalibwa nga n'egifuga ensi eno. Ebintu bino tibiva wa Kurisito.

2 Ab'e Thessalonika 2:3

Ghatabangagho muntu yeenayeena abaguya mu nsambo yoonayoona, kuba olunaku olwo tiruja kutuuka okutuusa ng'okudheema okusembayo kumaze okutuuka, n'omuntu Omubi Isaababi ow'okuzikirira ng'amaze okweyoleka.

1 Yoanne 4:1

Bakagwa, mutaikirizanga buli mwoyo, aye mulebenga buli mwoyo mubone oba nga wa Katonda; kuba abalanzi kamaala abaguya basansaaniire mu nsi.