Mariko 13:31 - Baibuli Ekibono kya Katonda 2014

³¹ Eigulu n'ensi biriwaagho aye ebibono byange tibiriwaagho.

Mariko 13:31 ပူးပေါင်းရင်းမြစ်များ

2 Bakyabazinga 15:12

Ekyo kyatuukiriza Musengwa Katonda kye yasuubiza kyabazinga Yehu, ati: “Ab'eizaire lyo okutuuka ku luse olwokuna, balityama ku kityamo eky'obwakyabazinga bwa Isiraeli.”

Zabbuli 19:7

Musengwa Katonda yataagho amateeka ge na bwegendereza; gaiza obulamu mu mwoyo oguziriike. Kiisi Musengwa Katonda ky'akoba kyesigika, kifuula azira magezi okuba omugezi.

Isaia 40:8

Waire nga kituufu ng'eisubi liniala n'ekimuli kyamagala, aye ekibono kya Katonda kibaagho ebyanda n'ebyanda.”

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Zekaria 1:6

Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Matayo 24:35

Eigulu n'ensi biriwaagho aye ebibono byange tibiriwaagho.

Matayo 5:18

Bwenebwene mbakobera nti, okutuusa ng'eigulu n'ensi biwoiregho, enukuta endala waire akatoonheze akalala, tibiridibizibwa mu Mateeka, okutuusa nga byonabyona bibairegho.

Mariko 13:30

Bwenebwene mbakobera nti ebintu bino byonabyona biribaagho nga n'abantu ab'oluse luno bakaali kuwaagho.

Mariko 13:32

“Aye ghazira aidhi lunaku olwo oba saawa ni bwebaakaba bamalaika mu igulu, waire Omwana, okutoolaku Lata.

Luka 21:33

Eigulu n'ensi bija kuwaagho, aye ebibono byange tibija kuwaagho.

2 Timotheo 2:13

Bwe tutaba beesigwa, mwene asigala nga mwesigwa; kuba tasobola kwegaana kye yakoba.”

Tito 1:2

ageemereire ku kusuubira obulamu obutawaagho. Katonda oyo ataguya n'eyatusuubiza obulamu obwo okuva eira n'eira.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.