Mariko 13:22 - Baibuli Ekibono kya Katonda 2014

²² kuba ghaliidhagho abeeyeta Kurisito n'abeeyeta abalanzi, baakola obumanhiso n'ebyewuunhio nga benda kuwubania abalondemu bwe kiba kisoboka.

Mariko 13:22 ပူးပေါင်းရင်းမြစ်များ

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 7:15

“Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

Mariko 13:21

“Agho ni, bweghabaagho abakoba ati, ‘Bona, Kurisito wuuno’, oba ati, ‘Wuule’, mutaikirizanga

Mariko 13:23

Aye imwe mwekuume, mbakobeire byonabyona nga bukaali.

Mariko 13:6

Abantu kamaala baliidha mu liina lyange nga bakoba bati, ‘Ni nze’, era balighabya abantu kamaala.

Yoanne 4:48

Yesu yaamukoba ati: “Okutoolaku nga muboine obumanhiso n'ebyewuunhio timughanga kwikiriza.”

Amateeka Agokubiri 13:1

“Ghasobola okubaagho mu imwe omulanzi oba omuvuunuzi w'ebirooto, yaabasuubiza ekyewuunhio oba ekyewuninkiriza okubaagho.

2 Timotheo 2:19

Aye omusingi gwa Katonda mugumu era gughandiikiibwaku ebibono ebikoba biti: “Musengwa aidhi ababe,” era ni biti “Kiisi ayatula eriina lya Musengwa ateekwa okuva mu bibi.”

1 Yoanne 2:18

Baana bange, ekiseera eky'enkomerero kituuse! Era nga bwe mwawulira muti Omuzigu wa Kurisito aidha, era ni mperaano abazigu ba Kurisito kamaala baidha. Kuno kwe tumanhira ng'ekiseera eky'enkomerero kituuse.

1 Yoanne 2:19

Abantu abo baava mu ife, aye tibaali baife, kuba nguli baali baife bandibaire nga bakaali n'ife. Aye baatuvaamu, kimanhikanire irala nga boonaboona ti baife.

1 Yoanne 2:26

Mbaghandiikira ebintu bino olw'abo abagezaaku okubadaaliimya.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 17:8

Ekisolo ky'oboine kyaligho, aye mperaano tikikaaligho. Aye kiidha kuniinaniina okuva mu lwina olutakoma, kije kizikirizibwe. Abantu abali ku nsi, beene maina agataaghandiikibwa mu kitabo eky'obulamu, okuva ensi lwe yatondebwa, balyewuunhia bwe balibona ng'ekisolo ekyaligho, mperaano tikikaaligho, ate nga kiriidha.