Mariko 12:3 - Baibuli Ekibono kya Katonda 2014

³ Aye baamugema baamukuba era baamwiririzaayo ngalo ndhereere.

Mariko 12:3 ပူးပေါင်းရင်းမြစ်များ

1 Bakyabazinga 18:13

Musengwa Katonda wange, tibaakukobera kye nakola, Yezebeli bweyali ng'ali kwita abalanzi ba Musengwa Katonda? Natwala abantu kikumi ku balanzi ba Musengwa Katonda abo, naabagisa mu mpuku mu bikunsu bya bantu makumi ataanu ataanu, era naabafuniranga emere n'amaadhi.

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

1 Bakyabazinga 19:10

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 19:14

Eliya yairamu ati: “Enkikidi engemye ku lulwo, iwe Musengwa Katonda Afuga Amagye, kuba Abaisiraeli baamenha endagaano ye wakola nabo. Baamenhagho alutaari dho, era baita abalanzi bo. Nze zenka, ninze nsigairegho, ate zeena bali kwenda kundhita.”

1 Bakyabazinga 22:27

mubakobe muti, ‘Kyabazinga alagiire ati omusaadha oyo mumute mu ikomera, era mumughenga emere n'amaadhi nga mumupimiraku bupimire, okutuusa nga ndhize bukalamu.’ ”

2 Ebyomubyanda 16:10

Agho Asa yaasungughalira inho omulanzi oyo olw'ebyo bye yayogera, yaamugema yaamuta mu ikomera. Mu biseera n'ebirala ebyo, Asa oyo yaabisanga bubi n'obukambwe abantu abandi.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 20:2

yaalagira bangeme bankube, era bamale bansibire mu nkoligo. Enkoligo eyo yali kumpi n'omulyango ogw'eitale ogw'eisinzizo ogwetebwa Omulyango gwa Benjamini.

Yeremia 29:26

“‘Musengwa Katonda yakufuula kabona mu kifo kya Yehoiada, buti niiwe akulira eisinzizo. Mulimo gwo okubona nga buli muntu eyeeralusa ni yeefuula okuba omulanzi, bamusiba ku ndhegere era baamuta ekikoligo mu nkoto eky'ekyuma ekigumu einho.

Yeremia 44:16

“Ife tulobye, titwenda kuwulira by'oli kutukoba mu liina lya Musengwa Katonda.

Matayo 15:22

Ghaabaagho omukazi Omukanaani eyava mu kiketezo ekyo, yaaseeta yaayogerera ghaigulu ati: “Musengwa, mwidhukulu wa Daudi, nkusaba ondhune. Mughala wange aliku omuzimu omubi gumutawaania.”

Mariko 12:2

“Ekiseera bwe kyatuuka, yaatuma omugheereza we y'abalimi anoneyo ku bibala eby'eisamba ery'emizabbibu.

Mariko 12:4

“Kabiri yaabatumira omugheereza owundi, oyo baamukuba oluguma era baamukola ebiswaza.

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

1 Ab'e Thessalonika 2:15

Abayudaaya abo n'abaita Musengwa Yesu n'abalanzi, era n'ife baatubingira ku luya. Baleetera Katonda okudhuunia era bazigu ba buli muntu,