Mariko 12:26 - Baibuli Ekibono kya Katonda 2014

²⁶ “Ate ebigema ku bafu okuzuukira, timusomangaku mu kitabo kya Musa, ku ebyo ebigema ku kisaka, nga Katonda bwe yamukoba ati, ‘Ninze Katonda wa Aburahamu, Katonda wa Isaaka, era Katonda wa Yakobo?’

Mariko 12:26 ပူးပေါင်းရင်းမြစ်များ

Amainhama 26:24

Musengwa Katonda yaamubonekera obwire obwo, yaakoba ati, “Ninze Katonda wa lata wo Aburahamu. Otatya, kuba ndi n'iwe. Ndikugha enkabi, era naakugha abaidhukulu kamaala, olw'omugheereza wange Aburahamu.”

Amainhama 28:13

Era okuja okubona, nga Musengwa Katonda ayemereire ghaigulu ghaago. Yaakoba ati: “Ninze Musengwa Katonda, Katonda wa dhaadha wo Aburahamu, era Katonda wa Isaaka. Ensi eno gy'olambaireku ndigikugha iwe ni baidhukulu bo.

Amainhama 31:42

Nguli Katonda wa lata wange, Katonda wa Aburahamu era Katonda wa Isaaka tiyali ku luuyi lwange, wandibaire mpegaano ng'ominze nga nzira kantu. Aye Katonda yabona nga bwe nadaazibwadaazibwanga era nga bwe nakolanga einho, kye yaviire n'akunenia obwire buno obwabise.”

Amainhama 32:9

Agho Yakobo yaasaba ati: “Wo Katonda wa dhaadha wange Aburahamu, era Katonda wa lata wange Isaaka, wulira okusaba kwange! Wo Musengwa Katonda, niiwe eyankoba oti, ‘Irayo mu nsi ey'ewaimwe ni y'aboluganda lwo, ndidha kukugha buli kintu okukujiiranga obukalamu.’ ”

Amainhama 33:20

Yaazimbagho alutaari, yaagituuma eriina Eli Elohe Isiraeli.

Okuvaayo 3:16

Ja oyete abakulu ab'ebikunsu mu Isiraeli beesoloze ghalala obakobe oti, ‘Musengwa Katonda, Katonda wa badhaadha baimwe, Katonda wa Aburahamu, owa Isaaka era owa Yakobo yambonekera yankoba ati mbalingiriire, naabona bye babakola mu Misiri.

Mariko 12:10

Yaakoba ati: “Timusomanga kino ekyaghandiikibwa kiti, ‘Eibaale abazimbi lye baaloba bati lizira mugaso n'eryafuuka empango ey'omusingi mu nsonda.

Mariko 12:25

Ekituufu kiri nti bwe bazuukira mu bafu, baba nga tibakaabayiza waire okubayira baba ng'oti bamalaika mu igulu.

Luka 20:37

Era ku by'abafu okuzuukira kiragibwa bukalamu mu kitabo kya Musa, mu bigema ku kisaka ebikoba biti, ‘Musengwa Katonda wa Aburahamu, Katonda wa Isaaka, Katonda wa Yakobo.’

Yoanne 20:17

Yesu yaamukoba ati: “Otangemaku, kuba nkaali kwirayo ye Lata aye ja ye baganda bange obakobere oti ndi kwirayo ye Lata wange era Lata waibwe, Katonda wange era Katonda waibwe.”

Ab'e Roma 11:2

Katonda taziranga bantu be abo be yamanha eira. Mwidhi ebyaghandiikibwa bwe byogera ku Eliya bwe yasaba Katonda olwa Isiraeli ati: